Ölkə

Qazimiz sosial ödənişlərlə və yüksək texnologiyalı protezlə təmin olunacaq

29 Yanvar 2021 15:03

Baxış: 974

VTB-də minimal faiz dərəcəsi ilə nağd kredit 10.49%-dən

Tarixi Zəfərimizin qəhrəmanlarından biri olan Kazımov Ziya Ağami oğlunun da sosial dəstəklə təmin olunması üçün işlər aparılır. Ziya Vətən müharibəsində ağır yaralanaraq sağ ayağını itirib.

Bununla əlaqədar Əmək və Əhalinin Sosial Müdafiəsi Nazirliyi tərəfindən ona yaxın günlərdə əlillik və aylıq sosial ödənişlər təyin olunacaq.

Nazirlikdən Milli.Az-a verilən məlumata görə, həmçinin əlillik dərəcəsinə uyğun məbləğdə birdəfəlik sığorta ödənişi veriləcək.

Qazinin yüksək texnologiyalı protezlə təmin edilməsi də qərara alınıb. Bu məqsədlə Nazirliyin tabeliyindəki Dövlət Tibbi-Sosial Ekspertiza və Reabilitasiya Agentliyinin Protez-Ortopedik İstehsalat və Reabilitasiya Mərkəzində Ziyanın ilkin müayinəsi aparılıb, zəruri ölçülər götürülüb. Müəyyən hazırlıq müddətindən sonra o, yüksək texnologiyalı protezlə təmin ediləcək.

Milli.Az