Ölkə

COVİD-19 xəstələrinə bu preparatlar OLMAZ - Qaraciyəri və böyrəyi...

23 Noyabr 2020 13:24
Baxış: 19 472
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

COVİD19 virus infeksiyasıdır! Virusa təsir edən effektiv antivirus preparatı hələ ki yoxdur.

Bunu Səhiyyə Nazirliyinin İctimai Səhiyyə və İslahatlar Mərkəzinin şöbə müdiri Nabil Seyidov Milli.Az-a açıqlamasında deyib.

Şöbə müdiri bildirib ki, antibiotiklərdən istifadə zamanı mütləq həkimlə məsləhət edilməlidir:

"Antibiotiklər bakteriyalara qarşı təsirə malikdir, virusa qarşı effekti yoxdur. İndiyədək bütün tədqiqatlar göstərib ki, COVİD19 pasientlərində ikincili bakterial infeksiyalar cəmi 7-13% hallarda rast gəlinir. Böyük əksəriyyəti də reanimasiyada olan pasientlərdə, az bir qismi isə immun çatışmazlığı olanlarda qeyd edilir.

Antibiotiklərin lazımsız yerə istifadəsində ciddi fəsadlar yaranır:

- qaraciyər və böyrəyi zədələyir

- hərarətin qalxmasına səbəb olur

- sağlam, qoruyucu mikrofloranı məhv edir

- xəstəxanaya yerləşdiriləndə daha ağır antibiotiklərin tətbiqinə səbəb olur ki, bunlar da orqanları daha da zədələyir

- orta və uzunmüddətli dönəmdə antibiotiklərə davamiyyət yaradır. Bu o deməkdir ki, yaranan və əhali arasında yayılan mikroblara artıq həmin antibiotiklər təsir göstərmir.

COVİD19 hallarında - yüngül və orta ağır xəstələrdə - antibiotiklər istifadə etməsinlər, həkimlə məsləhətləşsinlər".

Təhməz Əsədov
Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.