Ölkə

"Vəziyyət çox ciddidir, yoluxma sayı daha da arta bilər"

29 Oktyabr 2020 16:34

Baxış: 2 661

VTB-də minimal faiz dərəcəsi ilə nağd kredit 9.9%-dən

#CƏMİYYƏT #KORONAVİRUS

"Bizim ölkədə də dünyada olduğu kimi COVİD-ə yoluxma sayı kəskin artır".

Bunu Milli.Az-a açıqlamasında pulmonoloq Günay Əliyeva deyib.

O bildirib ki, yoluxmaların sayı azalan kimi məsuliyyətsiz vətəndaşların sayı çoxaldı:

"Biz belə bir artımın olacağını gözləyirdik. Çünki mövsümlə əlaqədar olaraq insanlarda immun sisteminin hansısa qırılması baş verir, həm də bağlı məkanlara üstünlük artır, otaqların havası gec-gec dəyişdirilir, digər yoluxucu infeksiyaların artması müşahidə olunur. Bizim ölkədə COVİD-ə yoluxanların sayının artmasının bir səbəbi də bir müddət əvvəl yoluxanların sayının azalması idi. İnsanlar bu rəqəmləri görüb arxayınlaşdılar. Bir az burada diqqətimiz yayındı, çünki cəbhədə yaranmış vəziyyətlə bağlı hər birimizin ağlı, fikri, ürəyi ordadır. Buna görə də insanlar COVİD-lə mübarizəni unutdular.

Başqa yolumuz yoxdur

Karantin rejiminin daha da sərtləşdirilməsi ehtimalı var, yavaş-yavaş da sərtləşdirilir. Artıq bəzi şəhər və rayonlarda ciddi karantin rejimi tətbiq edilməyə başlanılıb. Əgər insanların məsuliyyətsizliyi davam etsə, yoluxma sayı daha da arta bilər, ehtimal çoxdur. Vəziyyət həqiqətən çox ciddidir. İnsanlar həmişə qeyri-adi bir şeylər axtarır. Ancaq COVİD-dən qorunmaq və ona yoluxmanın artmasının qarşısının alınması çox sadədir. Bəli, COVİD-dən qorunmaq üçün çox yaxşı olardı ki, vaksin olsun, hazırda yoxdur. Vaksin olmadığı halda COVİD-dən qorunmaq üçün ən mükəmməl vasitə maskadan düzgün istifadə, sosial izolyasiya və gigiyenik qaydalara əməl etməkdir. Başqa yolumuz yoxdur, buna öyrəşməliyik, buna vərdiş etməliyik".

Təhməz Əsədov
Milli.Az