Ölkə

"İstirahət zamanı bütün dünyanın bu virusla savaşdığını unutmayaq"

4 Avqust 2020 13:08

Baxış: 2 324

VTB-də minimal faiz dərəcəsi ilə nağd kredit 9.9%-dən

#CƏMİYYƏT #SAĞLAMLIQ #TİBB #SƏHİYYƏ #KORONAVİRUS

Karantin rejiminin yumşaldılması qərarı, karantinə keçid qərarı qədər məsuliyyətli və ciddi addımdır.

Bunu Milli.Az-a açıqlamasında TƏBİB-in İnfeksion xəstəliklər üzrə işçi qrupunun həkim-infeksionisti Nəzrin Mustafayeva deyib.

İnfeksionist bildirib ki, çimərliklərin açılması qərarından sonra, istirahət zamanı paralel olaraq bütün dünyanın ciddi virus pandemiyası ilə savaşdığını, bu savaşın hələ də davam etdiyini unutmayaq:

"Hər iki vəziyyətin özlüyündə müsbət və mənfi, daha dəqiq desək, günümüzdə təhlükəli tərəfləri vardır. Yumşalmaya gedərkən belə, diqqət edirsinizsə əgər, ilk öncə, daha az təhlükəli olan qadağalar aradan qaldırılır. Yay fəslində, təbii ki, hər kəs bu qərara çox sevindi.

Dənizə çıxışı olmayan ölkələrin əhalisini unutmayaq

Açıq havanın, dəniz suyunun, günəş şüalarının faydalı tərəfləri çoxdur, yetər ki istirahət zamanı, paralel olaraq, nəinki ölkəmizin, bütün dünyanın ciddi virus pandemiyası ilə savaşdığını, bu savaşın hələ də davam etdiyini, eyni zamanda dənizə çıxışı olmayan ölkələrin əhalisini unutmayaq.

Qaydaları məsuliyyətlə yerinə yetirməklə təhsil müəssisələrinin fəaliyyətini bərpa edən ölkələr var

5 ay ərzində uşaqdan böyüyə hər kəs sadə gigiyena və qorunma qaydalarını öyrəndi, bu qaydaları məsuliyyətlə yerinə yetirməklə hətta təhsil müəssisələrinin fəaliyyətini bərpa edən ölkələr var. İlk gündən etibarən dediyimiz tək tövsiyə var, özünüzü və ətrafınızdakıları qorumaq çox sadə bir neçə üsulla mümkündür: fiziki məsafə, maska istifadəsi və şəxsi gigiyena".

Təhməz Təkin
Milli.Az