Ölkə

Azərbaycanda müasir tələblərə cavab verən sistem yaradıldı

17 İyul 2020 19:15

Baxış: 626

VTB-də minimal faiz dərəcəsi ilə nağd kredit 10.49%-dən

#QİDA TƏHLÜKƏSİZLİYİ

"Azərbaycan Respublikasında qida təhlükəsizliyinin təmin edilməsinə dair 2019-2025-ci illər üçün Dövlət Proqramı"nın 2019-cu il üzrə icrası çərçivəsində bitki sağlamlığına nəzarət üzrə effektiv və müasir tələblərə cavab verən sistem yaradılıb.

Azərbaycan Qida Təhlükəsizliyi Agentliyindən (AQTA) Milli.Az-a bildirilib ki, Agentlik Dövlət Proqramında icrası nəzərdə tutulmuş əkin təyinatlı torpaq sahələrində bitki mühafizəsi vasitələrindən və aqrokimyəvi maddələrdən istifadəyə dair monitorinqlər keçirib. Bu tədbir üzrə torpaqlarda aqrokimyəvi analizlər aparılıb, hədəflərə nail olunub. AQTA tərəfindən bitki mühafizəsi vasitələri və aqrokimyəvi maddələrdən normativlərə uyğun istifadə ilə bağlı fermer və ailə-kəndli təsərrüfatları maarifləndirilib. Əsas kənd təsərrüfatı bitkilərinin zərərli orqanizmlərdən mühafizəsi üzrə inteqrir mübarizə tədbirlərinə dair 4 təlimat hazırlanaraq nəşr edilib. Bunlar "Üzüm bağlarında inteqrir mübarizə tədbirləri sistemi üzrə təlimat", "Kartof əkinlərində inteqrir mübarizə tədbirləri sistemi üzrə təlimat", "Tumlu və çəyirdəkli meyvə bağlarında inteqrir mübarizə tədbirləri sistemi üzrə təlimat" və "Pambıq əkinlərində inteqrir mübarizə tədbirləri sistemi üzrə təlimat"dır.

Milli.Az