Ölkə

Bakıda yeni açılan "Dəniz Mall"dan görüntülər - VİDEO - FOTO

3 İyun 2020 10:14
Baxış: 5 008

Azərbaycanın və Qafqazın böyük ticarət mərkəzlərindən biri olan "Dəniz Mall" bu həftədən fəaliyyətə başlayıb.

Milli.Az Trend-ə istinadən xəbər verir ki, Sidney Opera Evinin memarlıq üslubunda inşa edilən "Mall" Azərbaycanda ən böyük ticarət mərkəzidir. Sahəsi 120,000 kvadratmetr olan obyektdə əyləncə məkanları, mağazalar, restoran və kinoteatr yerləşir. Özündə bir çox dünya brendlərini birləşdirən "Mall" 5 mərtəbədən ibarətdir.

"Dəniz Mall"un sakinlər üçün əsas əyləncə məkanına çevriləcəyi gözlənilir. Mərkəzin binası 2007-ci ildə məşhur dizayner Çapman Taylor tərəfindən tərtib edilib. Əvvəlcə konfrans mərkəzi, tədbirlər və şadlıq mərasimlərinin keçiriləcəyi məkan kimi nəzərdə tutulmuşdu, lakin sonradan buranın ənənəvi alış-veriş yeri olmasına qərar verildi.

Koronavirus pandemiyası ilə əlaqədar olaraq ticarət mərkəzinin rəhbərliyi ziyarətçilərdən karantin qaydalarına əməl etmələrini, tibbi maskalar taxmağı və sosial məsafəni qorumağı xahiş edir.

Xatırladaq ki, Nazirlər Kabineti yanında Operativ Qərargahın qərarı ilə ticarət mərkəzlərinin ərazilərində yerləşən kinoteatrların, əyləncə mərkəzlərinin fəaliyyəti müvəqqəti olaraq dayandırılıb, mağazalar və restoranlar isə açıqdır.

Milli.Az

Məqaləyə dair fotomateriallar:

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.