Ölkə

İnzibati icraatda köməyə ehtiyacı olan əlilliyi olan şəxslər bəzi xidmətlərlə təmin olunacaq

19 May 2020 16:13

Baxış: 717

VTB-də minimal faiz dərəcəsi ilə nağd kredit 10.49%-dən

#CƏMİYYƏT

İnzibati icraatda iştirak edən və ixtisaslaşmış vasitəçilərin köməyinə ehtiyac duyan əlilliyi olan şəxslər bəzi xidmətlərlə təmin olunacaqlar.

Milli.Az Trend-ə istinadən xəbər verir ki, bununla əlaqədar məsələ Milli Məclisin bu gün keçirilən iclasında müzakirə edilən "İnzibati icraat haqqında" qanuna dəyişiklikdə öz əksini tapıb.

Dəyişikliyə əsasən, inzibati icraatda iştirak edən və ixtisaslaşmış vasitəçilərin köməyinə ehtiyacı olan əlilliyi olan şəxslər ixtisaslaşmış vasitəçilərin (qiraətçilərin və peşəkar surdo tərcüməçilərin) xidmətləri ilə təmin edilirlər. Bu halda ixtisaslaşmış vasitəçilər bu qanunun məqsədləri üçün tərcüməçi hesab olunurlar.

Müzakirələrdən sonra dəyişiklik səsə qoyularaq birinci oxunuşda qəbul edilib.

Milli.Az