Ölkə

“Aviation Services Group” Koronavirusla Mübarizəyə Dəstək Fonduna bir milyon manat köçürdü

26 Mart 2020 13:18
Baxış: 363

Azərbaycanda mülki aviasiya xidmətləri göstərən "Aviation Services Group" (ASG) şirkətlər qrupu Azərbaycan Respublikasının Prezidenti İlham Əliyevin təşəbbüsünü dəstəkləyərək Koronavirusla Mübarizəyə Dəstək Fonduna bir milyon manat köçürüb.

Milli.Az Trend-ə istinadən xəbər verir ki, "Aviation Services Group"un tərkibinə daxil olan şirkətlər hava limanlarında həmyerlilərimizin vətənə qaytarılması çərçivəsində gücləndirilmiş rejimdə işləyirlər. "Aviation Services Group" Azərbaycan Respublikası Nazirlər Kabineti yanında yaradılmış Operativ Qərargahın tövsiyələrinə əməl edərək müştərilərinin və əməkdaşlarının sağlamlığının qorunmasını təmin etmək üçün bütün təhlükəsizlik tədbirlərini yerinə yetirir.

"Aviation Services Group" koronavirus infeksiyası ("COVID-19") ilə mübarizədə hökumət və Azərbaycan xalqı ilə həmrəyliyini bildirir və pandemiya ilə mübarizədə birlik göstərməyə çağırır.

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.