Ölkə

Koronavirusla əlaqədar Ağciyər Xəstəlikləri İnstitutunda xüsusi palatalar ayrılıb

28 Yanvar 2020 17:16
2 Şərh     Baxış: 1 210

Elmi Tədqiqat Ağciyər Xəstəlikləri İnstitutunda koronavirusla əlaqədar xüsusi palatalar ayrılıb.

Milli.Az xəbər verir ki, bunu Trend-ə Azərbaycanın Baş infeksionisti Cəlal İsayev deyib.

Onun sözlərinə görə, koronavirusa yoluxma və ya yoluxmada şübhəli hal qeydə alınarsa, həmin xəstələrin stasionar müalicəsi üçün Elmi Tədqiqat Ağciyər Xəstəlikləri İnstitutunda 5-dən çox xüsusi palata ayrılıb:

"Bunlar xüsusi rejimli palatalardır. Çöldəki təzyiqlə müqayisədə həmin palatalardakı təzyiq aşağı olur. Xəstəliyə şübhəli şəxs olarsa, onlar bu palatalarda yerləşdiriləcəklər".

Baş infeksionist Azərbaycanda indiyədək koronavirusun aşkar edilmədiyini, heç bir şəxsin bu xəstəliyə yoluxmada şübhəli bilinmədiyini də söyləyib:

"Ölkəmizdə koronavirusla xəstələnmə halı yoxdur. İndiyədək hələ heç bir şübhəli şəxs də qeydiyyata alınmayıb".

Milli.Az

loading...

Şərh yaz:

2 Şərh:

  • Anonim
    Əsranur · 28 Yanvar 18:35444

    O virusda hünər istəyirəm bizim tamojnunu keçsin.Ordan keçsə də,bizim polislər imkan verməz ki o küçələrdə rahat fırlansın.

    Cavab yaz
  • Anonim
    ALEKS❤ · 28 Yanvar 21:085236

    Sağ olsunlar ehtiyat tədbirləri görüblər.əgər bizdə ilan qurbağa həşərat yeyən varsa uçota alınmalıdı...iyrənc olsada belələri var.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.