Ölkə

26 il sonra nəşi məzardan çıxarılan şəhidin xanımı: “Bir axşam evdə tək idim...”

23 Yanvar 2020 17:44
8 Şərh     Baxış: 26 310

"Onun ölüm xəbərini internetdə oxudum".

Milli.Az xəbər verir ki, bunu qaynarinfo-ya açıqlamasında şəhid Vəliəddin Sehrab oğlu İbrahimovun həyat yoldaşı Məlahət İbrahimova deyib. Onun sözlərinə görə, bu müddət ərzində onlar Vəliəddin İbrahimovu itkin biliblər:

"Vəliəddin itkin düşmüşdü. Biz onu axtarırdıq. İnanırdım ki, Vəliəddin sağdır. Ümid edirdim, düşünürdüm ki, nə vaxtsa qapımızı döyəcək. Allahın qədəri belə oldu. Mən onu sağ gözləyərkən ölüm xəbərini aldım. Bir gün axşam evdə tək idim. İnternetdə nəsə axtarırdım. Birdən baxdım ki, naməlum şəhidlərin fotoları. Biri diqqətimi çəkdi, yaxınlaşdıranda baxdım ki, qonşumuz Tərlan. Vəliəddin də onunla getmişdi. Sonra birdən fotoların arasında Vəliəddini gördüm. O anda ev başıma yıxıldı. Axı mən onu bu müddətdə sağ bilirdim".

Məlahət İbrahimov qeyd edib ki, ailə səhəri bir başa İmişli qəbiristanlığına yollanıb: 

"Əlaqədar qurumlara müraciət etdim. Qardaşlarından və qızından analiz götürüldü. Təsdiqləndi ki, bu naməlum şəhid Vəliəddindi. Onun ölüm xəbərini alan günə kimi hər gecə yuxuma gəlirdi. Elə bir geçə yox idi ki, yuxuma gəlməsin. Amma ölüm xəbəri çıxandan sonra yuxularımdan çəkilib".

Xatırladaq ki, V.İbrahimov 1993-1994-cü illərdə Füzuli rayonu istiqamətində işğalçı Ermənistanın silahlı birləşmələrinin hücumlarının qarşısını alarkən döyüşlərdə həlak olub. Onun nəşi tanınmadığı üçün İmişli rayonundakı "Şəmmədli" qəbiristanlığında naməlum şəhid kimi dəfn edilib. Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyasının təşkilatçılığı ilə naməlum şəhidlərə aid meyit qalıqları ekshumasiya olunub və müvafiq nümunələr götürülüb. Daha sonra naməlum şəhidlərin dəfn edilən qalıqlarından və şəhidin yaxın qohumları olduğunu iddia edən ailə üzvlərindən götürülən nümunələrin eyniləşdirilməsi zamanı meyitlərdən birinin valideyn-övlad səviyyəsində qohumluq əlaqəsinin olduğu müəyyən edilib. 

Açılan məzardan Yevlax rayon sakini, 1971-ci il təvəllüdlü şəhid Vəliəddin Sehrab oğlu İbrahimovun Azərbaycan Bayrağına bürünmüş tabutu Yevlax rayonuna yola salınıb və bu gün 15:00-da Yevlax şəhərindəki Şəhidlər Xiyabanında dəfn edilib. 

Milli.Az

loading...

Şərh yaz:

8 Şərh:

  • Anonim
    asi · 23 Yanvar 17:50130

    Bəlkə də belə daha yaxşı oldu(.. Gözləri yolda qalmayacaq..

    Cavab yaz
  • Anonim
    Roya · 23 Yanvar 18:11160

    Göz yaşları içinde tamamladım cümleleri.Allah rehmet elesin.Yeqin onu axtardıqları üçün xanımının yuxusuna gelirmiş.Tapdıqları üçün onun da ruhu rahatlıq tapıb.

    Cavab yaz
  • Anonim
    Niko · 23 Yanvar 18:21161

    Allah rehmet elesin.ruhu qarsisinda baş eyirik

    Cavab yaz
  • Anonim
    Rəssam · 23 Yanvar 18:38130

    Torpaq,su ilə qarışanda-palçıq, qanla qarışanda isə Vətən olur. Allah Rəhmət eləsin, Amin!

    Cavab yaz
  • Anonim
    Papatya · 23 Yanvar 19:31120

    Bir defe verilişde görmuşdum. İmişlidə bele naməlum şəhid qəbirləri var. Oranın axundu bir neçə fotolar göstərmişdi. Qohumları çıxar deye. Nə yaxşı ailəsine qovuşub. Ruhun şad olsun şəhid.

    Cavab yaz
  • Anonim
    * · 23 Yanvar 19:5980

    Qismətə bax bəxtə bax.Şükür sənə ay Allah.Düşmənjn gözü ovulsun.

    Cavab yaz
  • Anonim
    Ziko · 24 Yanvar 01:1220

    Şəhidlər zirvədədir.

    Cavab yaz
  • Anonim
    utanım yerinə · 24 Yanvar 17:0910

    Allah rəhmət eləsin.Bizim rahat həyatımız üçün, torpağımız üçün canını fda etmiş şəhidlərimizin və onların ailələrinin hər birinin qarşısında baş əyirəm.Allah rəhmət eləsin.Yəqin ki, ruhu rahatlıq tapıb, bacı, ona görə artıq yuxularına gəlmir

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.