Ölkə

İsmayıllıda qəribə hadisə: Şəhid kimi dəfn edilən şəxs özünün 40 mərasiminə gəlib - FOTO

14 Yanvar 2020 18:19
7 Şərh     Baxış: 6 617

İsmayıllı rayonunda maraqlı hadisə yaşanıb.

Milli.Az xezerxeber-ə istinadla xəbər verir ki, 1992-ci ildə Qarabağ döyüşlərində iştirak edən Şəbyan kənd sakini, 48 yaşlı Zöhrab Həmzəyevin şəhid olması xəbəri gəlib.

Meyit tanınmaz halda olduğundan onu həmin şəxsin meyiti kimi qəbul edib və dəfnini həyata keçiriblər. Ancaq üzərindən 40 gün keçdikdən sonra Zöhrab Həmzəyev özü kəndə qayıdıb və işin üstü açılıb.

Zöhrab Həmzəyev 1992-ci ildə Qarabağda gedən döyüşlərində iştirak edib. O, döyüşdə olan vaxt kənddə valideynlərinə xəbər gəlib ki, Zöhrab şəhid olub. Kəndə gətirilən bir meyit Zöhrabın meyiti kimi qəbul olunub və şəhid kimi rayonda şəhidlər məzarlığında dəfn edilib. Zöhrabın özünün də bundan rayona qayıdanda xəbəri olub.

O, qardaşı ilə birgə kəndə qayıdıb. Bu vaxt ailəsi onun 40 mərasiminə hazırlaşırmış. Onu görən ailə üzvləri və kənd sakinləri şoka düşüblər.

Kənd sakinləri deyirlər ki, meyit gələndə tanınmaz vəziyyətdə olub. Üz nahiyəsindən Zöhraba oxşadığından elə də qəbul olunub.

Sonradan həmin məzarın başdaşından Zöhrabın adı götürülüb. Dəfn olunanın kimliyi bilinmədiyindən üzərinə "Naməlum əsgər" yazılıb.

Milli.Az

Məqaləyə dair fotomateriallar:

loading...

Şərh yaz:

7 Şərh:

  • Anonim
    Ləman · 14 Yanvar 18:2741

    Həyat sən nə qəribəsən

    Cavab yaz
  • Anonim
    . · 14 Yanvar 18:5933

    Heeec yeridi il 2020

    Cavab yaz
    • Anonim
      Trishko · 14 Yanvar 21:0337

      Ozude maraqlidir goresen 40 gun bu "shehid-esger" harada veyllenirmishki, sonrada rezki peyda olub,indide yaqin "Qarabaq qazi"-liyi eyleyir.....

      Cavab yaz
  • Anonim
    Sovet vətəndaşı · 14 Yanvar 19:0930

    Müharibə ərəfəsində belə hallar çox olub. Samuxda iki qardaşa deyiblər ki bir şəhid gətirilib, baxın görün tanıyırsız? Onlar da gedib baxıblar və deyiblər ki hə filan həkimin oğludur. Sonra qardaşlar deyibki gedəyin həkimgilə xəbər verək. Və gedib görüblər ki... Həyətdə həkimin oğlu maşın yuyur.

    Cavab yaz
  • Anonim
    UZAQ DIYAR · 14 Yanvar 20:10152

    Kiminse de gözleri hele de yollarda qalib...Taninmaz insani,güman edib telesik basdirmirlar,DNT- analizi ile deqiqleshdirirler..Ciddi yanashilmayib,sadece ...

    Cavab yaz
    • Anonim
      Sovet vətəndaşı · 14 Yanvar 20:38111

      Nə danışırsız ay xanım? O vaxt, o qarışıqlıqda kim idi DNT analizi edən? Meyid gəlirdi, deyirdilər filankəsin oğludur. Vəssalam basdırırdılar. Çox vaxtda meyid bağlı tabutda gəlirdi, heç ağzını açmirdilar. Getsin o günləri, birdə gəlməsin

      Cavab yaz
    • Anonim
      Oxucu · 15 Yanvar 15:4920

      Uzaq diyardakı dostumuz, bilmirəm o dövrü burda yaşamısız ya yox, o elə dəhşətli illər idi ki.... İnternet yox, mobil telefon yox, cəbhə xətti ilə heç bir əlaqə yox, ölkə müharibə vəziyyətində, paytaxt fövqəladə vəziyyət rejimində, hər gün evlərə Şəhid meyidi gedirdi. Bir gündə onlarla Şəhid verirdik, bütün ölkədə, hər bir rayonda artıq Şəhid qəbristanlığı yaranırdı. DNT analizi nədir, heç camaat bilmirdi bu gündən sabaha sağ çıxacaqmı, başına nə gələcək, biz qalib gələcəyikmi, yoxsa ermənilər Bakıya qədər gəlib çıxacaq. Hər gün AzTV-də həyəcanla cəbhə xəbərlərini gözləyirdik, itkilər barədə xəbərləri sarsıntı, göz yaşı içində dinləyirdik. (((((( 1992-ci ildə bizim də evimizə gələn telefon zəngi ilə xalam oğlunun Şəhid olması xəbərini aldıq.

      Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.