Ölkə

FHN əməkdaşları Türkiyədə təlimlərə cəlb edildi

11 Yanvar 2020 13:24

0 Şərh Baxış: 702

VTB-də minimal faiz dərəcəsi ilə nağd kredit 10.49%-dən

Fövqəladə Hallar Nazirliyinin (FHN) Beynəlxalq Axtarış-xilasetmə dəstəsinin BMT-nin Humanitar Məsələlərin Əlaqələndirilməsi Ofisinin (UN OCHA) Beynəlxalq Axtarış-xilasetmə Məşvərət Qrupunun (İNSARAG) sinifləndirilməsindən keçməyə hazırlanması üzrə tədbirlər Türkiyə Respublikasının mentorluğu ilə davam etdirilməkdədir.

FHN-in mətbuat xidmətindən Milli.Az-a verilən məlumata görə, bu sahədə əməkdaşlıq çərçivəsində, Türkiyə Respublikası Fəlakət və Fövqəladə Hallar Departamentinin dəvəti ilə, Beynəlxalq Axtarış-xilasetmə dəstəsinin 13-17 yanvar 2020-ci il tarixlərində Ankara şəhərində keçiriləcək təlimdə iştirakı planlaşdırılır. Şəxsi heyətin bilik və bacarıqlarının təkmilləşdirilməsi təlimin əsas məqsədlərindəndir.

Qeyd edək ki, Beynəlxalq Axtarış-xilasetmə dəstəsi beynəlxalq humanitar əməliyyatlarda Azərbaycan Respublikasını təmsil etmək məqsədi ilə 2016-cı ildə yaradılıb. Dəstənin BMT-nin Humanitar Məsələlərin Əlaqələndirilməsi Ofisinin (UN OCHA) Beynəlxalq Axtarış-xilasetmə Məşvərət Qrupunun (İNSARAG) sinifləndirilməsindən keçməyə hazırlanması məqsədi ilə müvafiq təlim və kurslar keçirilib, həmçinin, şəxsi heyətin bununla bağlı beynəlxalq tədbirlərdə iştirakı təmin edilib.

Milli.Az

Milli.Az - Xəbər Portalı

FHN əməkdaşları Türkiyədə təlimlərə cəlb edildi

DİGƏR XƏBƏRLƏR

XƏBƏR LENTİ

TOP VIDEO

SORĞU

Hansı marka avtomobil idarə edirsiniz?