Ölkə

Hava ilə bağlı sürücü və piyadalara XƏBƏRDARLIQ EDİLDİ

4 Dekabr 2019 11:33
4 Şərh     Baxış: 3 408

Ekologiya və Təbii Sərvətlər Nazirliyinin verdiyi məlumata əsasən, bu gün axşam saatlarından etibarən ölkə ərazisində hava şəraitinin kəskin dəyişməsi gözlənilir.

Milli.Az Trend-ə istinadən bildirir ki, bununla əlaqədar olaraq yollarda yarana biləcək yol qəzalarının və digər xoşagəlməz halların qarşısının alınması üçün Baş Dövlət Yol Polisi İdarəsi sürücülərə müraciət edərək bildirir ki, avtomobil idarə edərkən daha diqqətli olsunlar, sürət həddini hava şəraitinə uyğun seçsinlər, kəskin tormozlama, zərurət olmadan ötmə və digər manevrlər etməkdən çəkinsinlər. Yağışlı havalarda su gölməçələrindən keçərkən ehtiyatlı olmağı unutmasınlar:

"Ölkənin bəzi dağlıq ərazilərində yolların buz bağlama ehtimalının yüksək olduğunu nəzərə alaraq, belə hava şəraitində sürücülük təcrübəsi az olan şəxslərdən sükan arxasına əyləşməmələri xahiş olunur.

Həmçinin, piyadalar da hava şəraitinin kəskin dəyişməsini nəzərə alaraq yollarda təhlükəsizlik tədbirlərinə daha ciddi riayət etməlidirlər.

Piyadalara, sutkanın qaranlıq vaxtı və ya məhdud görünmə şəraitində yola çıxarkən əlvan və ya işıqqaytarıçı elementlərlə təchiz olunmuş geyimlərə üstünlük verməyi, yolu keçərkən özlərinə və digər hərəkət iştirakçılarına təhlükə yaratmamağı tövsiyə edirik".

Milli.Az

loading...

Şərh yaz:

4 Şərh:

  • Anonim
    Elshan · 4 Dekabr 12:3030

    Bele xeberdarliqlarin ardindan Bakida az qala 20-25 derece isti olur qish aylarinda.

    Cavab yaz
    • Anonim
      Hemid · 4 Dekabr 13:1404

      Bosh bosh danishma aye

      Cavab yaz
  • Anonim
    Ali · 4 Dekabr 13:1620

    Qiş nece kececek onun melumatin yazardizda.

    Cavab yaz
  • Anonim
    Elnur · 5 Dekabr 15:3110

    Havadan sensasiya duzeltmeyin

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.