Ölkə

Evlənmək istəyənlərin 1979-da sifilis, 581-də İİV/QİÇS aşkarlanıb

14 Noyabr 2019 09:19
4 Şərh     Baxış: 2 194

Azərbaycanda nikaha daxil olmaq istəyənlər üçün məcburi tibbi müayinələrin aparılmasının tətbiq edildiyi 2015-ci il iyunun 1-dən indiyədək evlənmək istəyən 21 253 nəfərdə talassemiya daşıyıcılığı, 1979 nəfərdə sifilis xəstəliyi, 581 nəfərdə İİV/QİÇS, aşkar edilib.

Milli.Az əbər verir ki, bunu özəl olaraq Trend-ə B.Eyvazov adına Elmi-Tədqiqat Hematologiya və Transfuziologiya İnstitutunun direktoru Zöhrə Əlimirzəyeva deyib.

Direktorun sözlərinə görə, indiyədək hər ikisində talassemiya daşıyıcılığı aşkarlanan 228 cütlük aşkar edilib.

Z.Əlimirzəyeva əlavə edib ki, 2015-ci il iyun ayının 1-dən indiyədək nikaha daxil olmaq üçün 616 076 nəfər insan qan müayinəsindən keçib. Yalnız bu ilin yanvar-oktyabr ayları ərzində 116 263 nəfər qan müayinəsinə cəlb olunub. Onların 3018 nəfərində talassemiya daşıyıcılığı, 126 nəfərində İİV/QICS, 251 nəfərində isə sifilis xəstəliyi aşkar edilib. Bu ilin 10 ayı ərzində hər ikisində talassemiya daşıyıcılığı aşkarlanan 39 cütlük prenatal müayinəyə cəlb olunub.

Z.Əlimirzəyeva qeyd edib ki, cütlüyə daxil olan qadınların hamiləliyinin 12-18 həftəliyində dölyanı müayinələri aparılıb. Onların arasında dölü sağlam və talassemiya daşıyıcılığının olduğu (praktiki olaraq sağlam) hamilə qadınlar nəzarətə götürülüb, xəstə döllər isə həkim məsləhəti ilə abort edilib.

İnstitut direktoru əlavə edib ki, aparılan maarifləndirmə işləri nəticəsində evlənmək istəyən cütlüklər artıq nikahdan bir ay əvvəl deyil, hətta ailə qurmaq istədiklərini planlaşdırdıqları zaman müayinədən keçmək üçün müraciət etməyə başlayıblar.

Milli.Az

loading...

Şərh yaz:

4 Şərh:

  • Anonim
    s · 14 Noyabr 09:3000

    o gun sirf maraq ucun youtubeda sirf QICS-le bagli videolara baxirdim. Sehv etmiremse Respublika QICS-le mubarize merkezinin mariflendirici videolari idi. Dehshete geldim - videolarin komentlerinde 2-3 nefer IIV-ile yoluxdugunu deyirdi.

    Cavab yaz
  • Anonim
    VƏTƏNDAŞ · 14 Noyabr 09:3330

    SİFLİS ---QİCS NƏ DƏHŞƏT BİR XƏSTƏLİKLƏR ---BU İYRƏNC XƏSTƏLİKLƏR BAŞ ALIB GEDİR ---BU HƏLƏ EVLƏNMƏK İSTƏYƏNLƏRDƏ AŞKAR OLUNUB ---BƏS EVLİ OLANLARDA--- BİLİNMİR SAYI YOXDUR BELƏLƏRİNİN ---SOVET DÖVRÜNDƏ BU QƏDƏR BİABIRCILIQ YOX İDİ.CİDDİ TƏDBİRLƏR GÖRÜLMƏLİDİR.

    Cavab yaz
  • Anonim
    .. · 14 Noyabr 11:2110

    Arasdirsan bunlarin hamisida kisilərdi,səbəbidə məlum...

    Cavab yaz
  • Anonim
    Esra Ibrahimli(Samaxi) · 14 Noyabr 11:5331

    Nece nefer olub ki? bunlardan 2 minden coxunda xestelik askar olub yerde ne qaldi ?qalanda -1-2 nefer saqlam olar.Ölkədə saqlam adam yoxduda

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.