Ölkə

Nazirdən şad xəbər: Bu məhsullar ƏDV-dən azad olunacaq

8 Noyabr 2019 10:33
5 Şərh     Baxış: 13 421

Ötən il qarşıya qoyulmuş əsas hədəflərimizə nail olmuşuq. Bu il neft-qaz sənayesi ilə yanaşı, qeyri-neft sektorunda da əhəmiyyətli artım gözlənilir. Həyata keçirilən kompleks tədbirlər nəticəsində qeyri-neft sahəsində 8,9 faiz artım müşahidə olunur. Bu tendensiyanın növbəti illərdə də davam edəcəyi gözlənilir.

Milli.Az Trend-ə istinadən bildirir ki, bunu İqtisadiyyat naziri Mikayıl Cabbarov Milli Məclisin İqtisadi siyasət, sənaye və sahibkarlıq komitəsinin iclasında deyib.

M.Cabbarov, həmçinin Vergi Məcəlləsində dəyişikliklərin əsas istiqaməti və mahiyyəti barədə danışıb. Nazir qeyd edib ki, dəyişikliklər yeddi əsas istiqaməti əhatə edir:

"Yeniliklər əsasən ədalətli rəqabətin şərti olan bərabər və şəffaf mühitin təmin edilməsini (yalan əqd bağlayaraq əmtəəsiz əməliyyatlar aparan vergi ödəyicilərinə qarşı mübarizənin aparılmasını, riskli vergi ödəyicilərinə nazərətin gücləndirilməsi, vergidən yayınma hallarına qarşı mübarizənin gücləndirməsi), ƏDV inzibatçılığının təkmilləşdirilməsini, sahibkarların inzibatçılıq yükünün azaldılması və sahibkarlıq fəaliyyətinin təşviq edilməsini, sosial xarakterli güzəştlər vasitəsilə əhalinin maliyyə (vergi) yükünün azaldılmasını, sahibkarlıq subyektlərinin vergi yükünün azaldılmasını, vergitutma bazasının genişləndirilməsini, beynəlxalq vergitutma və məlumat mübadiləsi üzrə öhdəliklərin yerinə yetirilməsini özündə ehtiva edir".

Onun sözlərinə görə, Vergi Məcəlləsinə dəyişikliklər edilməsi haqqında qanun layihəsi 164 bənddən ibarətdir: "Bu əsasən bina tikintisi fəaliyyəti ilə məşğul olan şəxslərin sadələşdirilmiş vergitutuma metodunun ləğv edilməsi və həmin şəxslərin vahid vergi rejimində fəaliyyət göstərməsinin təmin edilməsi (ƏDV və mənfəət vergisi metodu), Transmilli Şirkətlər Qrupu anlayışının müəyyən olunması, quş əti satışının ƏDV-dən azadolma müddətinin daha 4 il müddətinə uzadılması, habelə heyvan ətinin satışının 4 il ərzində ƏDV-dən azad edilməsi ilə bağlı müddəalardır".

Nazir bildirib ki, dəyişikliyin məqsədi ölkənin davamlı iqtisadi inkişafı, şəffaflığın artırılması, sahibkarlığın inkişafını təmin etmək, eyni zamanda vergi ödənişində uçot qeydiyyat sisteminin sadələşdirilməsinə şərait yaradılmasıdır.

M.Cabbarov onu da qeyd etdi ki, ölkədə dövlət orqanları ilə vergi ödəyiciləri arasında ünsiyyətin minimuma endirilməsi planlaşdırılır:

"Dövlət orqanları ilə elektron məlumat mübadiləsinin genişləndirilməsi ölkədə iqtisadi səmərənin daha da artırılmasında və sui-istifadə hallarının azaldılmasında faydalı olacaq. Ölkədə sərbəst biznes mühitinin təkmilləşdirilməsi hər zaman diqqət mərkəzindədir".

Nazir atılacaq addımların fayda verəcəyinə və şəffaflığın artırılması sayəsində vergitutma bazasının genişlənəcəyinə inamını ifadə edib.

Milli.Az 

loading...

Şərh yaz:

5 Şərh:

  • Anonim
    ƏSİ. · 8 Noyabr 12:1730

    Təki dediklərinə əməl edilsin.Cəm halda deyin,nazirlər naziri Mikayıl Cabbarov.

    Cavab yaz
  • Anonim
    Aki 1 · 8 Noyabr 12:2060

    Sən Allah dərmanlaradaa bir şeylərr fikirləşinn

    Cavab yaz
  • Anonim
    Əmrah .Ənrah.Almalı · 8 Noyabr 20:3010

    Qadir Allah necə vergi veribsiz Bu gündən əlimdən alın vergini Çəkdiyimi gündüz- gecə görübsüz Bu gündən əlimdən alın vergini Dünya var olduqca şair varsada Şair olan yerdə şeir varsada Hər bir çətinlikdə xeyir varsada Bu gündən əlimdən alın verginiə Yazdım qaydasında düz minə kimi Gördüm neçə-neçə üz minə kimi Yazsam nə görərəm yüz minə kimi Bu gündən əlimdən alın vergini Əmraham nə tapdım dərddən savayı Eşidən oldumu mərddən savayı İmkanlı neylədi şərtdən savayı Bu gündən əlimdən alın vergini 2019

    Cavab yaz
  • Anonim
    Cavid · 9 Noyabr 21:4320

    Her seye fikir verdikleri kini emek haqinda tutulan gelir vergisinde azadsinlar maysimizin yarsini vergiye tutular

    Cavab yaz
  • Anonim
    Qabil · 10 Noyabr 16:5900

    Biz inanırıq ki, verilən qərar düzgün və yerində veriləndir.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.