Ölkə

Dəhşətli qəddarlığın təfərrüatı: İplə ata bağladılar, oğlunu və özünü döydülər, sonra sürüdülər - YENİLƏNİB

10 Oktyabr 2019 14:13
18 Şərh     Baxış: 9 908

14:13

Goranboyda qadının ata bağlanaraq sürüdülməsinin təfərrüfatı bilinib.

Milli.Az bildirir ki, Goranboy Rayon İcra Hakimiyyətinin Əlirzalı kənd icra nümayəndəsi Nizadil Hüseynov oxu.az-a açıqlamasında bildirib ki, Sahilə Ələkbərova qonşusu tərəfindən döyülüb:

"Qonşunun atı digər qonşunun həyətinə keçib. Daha sonra məlum olub ki, at qonşunun həyətindədir və dalaşıblar. Onlar üç nəfər olub. Sahilə Ələkbərovanın əl-ayağını kəndirlə bağlayıb, küçədə sürüyüblər.

Bu zaman səs-küyə qonşular gəlib və qadını onların əllərindən alıblar. Sahilə Ələkbərova hazırda xəstəxanadadır".

Sahilə Ələkbərovanın həyat yoldaşı Xaliq Bayramovun sözlərinə görə, hadisə barədə ona qonşuları məlumat verib:

"Qonşu mənə zəng etdi ki, yoldaşın ölür, gəl. Getdim ki, qonşular arvadımı onların əlindən xilas edib. At küçədə otlayırmış, həyat yoldaşım onu gətirməyə gedirmiş. Bu zaman qonşu atı öz həyətlərinə salıb.

Daha sonra atın ipini yoldaşımın əlinə dolayıblar. Anası əlindən tutub, oğlu və qızı ağacla döyüblər. Bizim onlarla 6-7 ildir ki, münasibətimiz yoxdur".

X.Bayramov qeyd edib ki, həyat yoldaşı ilə yanaşı, oğlu da döyülüb:

"Uşağımın da qolundan vurublar". 

Döyülən Sahilə Ələkbərova isə bildirib ki, səhər tezdən atı gətirmək üçün gedib və o zaman döyülüb:

"Atı gətirmək üçün gedəndə gördülər, mən gəlirəm, atı içəri saldılar və mənə hücum etdilər.  Yıxdılar məni və əllərimi bağlayıb, döydülər. Qonşular səsə gəlib, məni əllərindən aldı".

---------
12:31

Səhiyyə Nazirliyi Goranboy rayonu Xanqərvənd kəndində qonşuları tərəfindən ata bağlanaraq sürüdülən qadının vəziyyəti ilə bağlı açıqlama verib.

Milli.Az xəbər verir ki, nazirliyin mətbuat xidmətindən Trend-ə verilən məlumata görə, Goranboy rayonu Xanqərvənd kənd sakini 35 yaşlı qadın sağ bilək nahiyəsinin və sağ baldırın ön səthinin yumşaq toxumalarının sıyrılmış yaraları diaqnozu ilə Goranboy Mərkəzi Rayon Xəstəxanasına gətirilib. Qadına lazımi tibbi yardım göstərilib, həyatı üçün təhlükə yoxdur. Faktla əlaqədar hüquq-mühafizə orqanları məlumatlandırılıb.

Qeyd edək ki, Goranboy rayon sakini, 1984-cü il təvəllüdlü Sahilə Ələkbərova ilə qonşuları ilə aralarında mübahisə yaranıb. Qonşu qadın oğlu və qızı ilə birlikdə S.Ələkbərovanı döydükdən sonra qadını həmin ata bağlayaraq sürüyüb.

Milli.Az

loading...

Şərh yaz:

18 Şərh:

  • Anonim
    Şalimar · 10 Oktyabr 12:37280

    Yəni bütün bunlar Azərbaycanda baş verir?! Gözümə, qulaqlarıma inana bilmirəm. Biz nə vaxt, necə, niyə belə qəddarlaşdıq?

    Cavab yaz
  • Anonim
    Esra Ibrahimli(Samaxi) · 10 Oktyabr 12:37121

    Ay daaaaaa, qanim dondu ele bil buzxanada - 40 derecede Bes bu qadinin yiyesi yoxdu bunu edenlere nəsə etsin edenleri baqlasinlar tövleye qabaqinada saman toksunler deeee

    Cavab yaz
    • Anonim
      dagli qizi · 10 Oktyabr 13:41140

      Goren ne yiyib vehwilewirik, insanliqdan cixiriq????

      Cavab yaz
  • Anonim
    Mən · 10 Oktyabr 12:37120

    Vəhşilik!!!Qansızlıq!!!

    Cavab yaz
  • Anonim
    Emin. · 10 Oktyabr 12:38100

    Heri deli yigini

    Cavab yaz
  • Anonim
    aea · 10 Oktyabr 12:39120

    Qudurğanlığın dərəcəsi

    Cavab yaz
  • Anonim
    Şalimar · 10 Oktyabr 12:42160

    Səbəb nə olursa olsun, bir insan başqa bir insana, xüsusilə bir qadına qarşı belə vəhşicəsinə davranmamalıdır. Məncə bizim millət olaraq psixikamız pozulub. Kütləvi şəkildə psixiatr müayinəsindən keçməmiz lazımdır. Bilmirəm daha nə deyim ki?! Küçədə bir itə, pişiyə qarşı kobud münasibət görəndə az qala üsyana qalxırıq ki, heyvana qarşı belə vəhşilik olmaz. Bəs insan...Bəs qadın...Qadınlara qarşı bu nə vəhşilikdir?!

    Cavab yaz
  • Anonim
    Melek b · 10 Oktyabr 12:42120

    Bu nedi yaziq qadin bunun bir etrafinda adam olmayib komek etsin?(

    Cavab yaz
  • Anonim
    Eldəniz · 10 Oktyabr 13:3990

    Belə də yiyesizlik olar bu lap Nəsiminin filmindəki kadrlar kimi oldu....

    Cavab yaz
  • Anonim
    Zuni · 10 Oktyabr 13:56100

    Bezi insan yigininin beyni curuyub bawlari qacibe, ana ogul qiz bele iw olar?Anada qardawda agil yoxdu qizda olsun.O aileni ordan qovub cixartsinlar bele vehwilik olmaz.Ogluna qiz vermesinler qizinida almasinlar.Ailelikce vehwidiler sabah kimse onlarla qohum olub bir soz dese ailelikce baltaliyarlar o adami.Deli yigini..

    Cavab yaz
  • Anonim
    Sovet vətəndaşı · 10 Oktyabr 14:1670

    Dönə dönə oxudum. Elə bildim hansısa kinodan yazıblar. Allah bunların belini qırsın. İnsana belə işgəncə verərlərmi.

    Cavab yaz
  • Anonim
    Fjh · 10 Oktyabr 14:2230

    Inshallah bunu eliyenler cehennemde 4 at el ve ayaqlari baglanar ve atlar suruler.Bunlarin da qollari qiclari yerinden cixardi.Onda bilerdiler ezab vermek ne demekdi

    Cavab yaz
  • Anonim
    mamuska · 10 Oktyabr 14:29100

    qadinin doyulmesi,ata baglanib suruklenmesi,qonsularin qadini xilas etmesi, sehiyyeden qadinin veziyyeti haqqinda olan melumatlari bildik.amma hadise toredenlerin haqqinda hec bir melumat yoxdur.o kendde belediyye,polis,kend soveti yoxdurmu.bes o vehsiliyi toredenler cezalaniblar,yoxsa yox..

    Cavab yaz
  • Anonim
    Ağsaqqal · 10 Oktyabr 14:4150

    Bilirsən burda nə çatışmayıb ?Döyülənin ərinin paslı bir berdankası...

    Cavab yaz
  • Anonim
    Leyla · 10 Oktyabr 15:0260

    Bunu eden indi gedib turmede yatarsan aglin geler basina.Qadina guc gostermek lazim deyil.Esl kisi kisiyle sohbetini eder qadinla yox

    Cavab yaz
  • Anonim
    F · 10 Oktyabr 16:5603

    axirda melum olacaq ki, gunah doyulendedi.

    Cavab yaz
  • Anonim
    as · 10 Oktyabr 22:4120

    insanlıq ölüb artıq

    Cavab yaz
  • Anonim
    qaya · 11 Oktyabr 00:0410

    daha bizə erməni nə lazımdır, şəhidlərimiz bu biqeyrətlərdən ötrü canlarını veribmiş yoxsa, Allah islah etsin belələrini

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.