Ölkə

Müəllimlərin işə qəbulu üzrə imtahanlarda ən yüksək nəticəni 3 nəfər göstərib

15 İyul 2019 17:54
3 Şərh     Baxış: 1 874

Bu gün Azərbaycan Texniki Universitetində müəllimlərin işə qəbulu üzrə imtahan prosesi izlənilib.

Milli.Az Trend-ə istinadən bildirir ki, Azərbaycan Texniki Universitetinin idman zalında təşkil edilən mediaturda Təhsil nazirinin müavini Məhəbbət Vəliyeva, təhsil ekspertləri, media və ictimaiyyət nümayəndələri iştirak ediblər.

Mediatur iştirakçılarına bildirilib ki, son illərdə müəllim nüfuzunun, onların peşəkarlıq səviyyəsinin yüksəldilməsi istiqamətində ciddi addımlar atılıb.

Qeyd edək ki, müəllimlərin işə qəbulu üzrə müsabiqədə iştirak edənlərin sayı ildən-ilə artır.

Bu il müəllimlərin işə qəbulu üzrə müsabiqənin test imtahanı mərhələsində isə 48 204 namizəd iştirak hüququ qazanıb. Məlumat verilib ki, bu günədək keçirilən imtahanlarda 15 797 namizəd iştirak edib. Namizədlərdən 3 nəfər 58 bal toplayaraq ən yüksək nəticə göstərib.

Qeyd edək ki, iyulun 8-dən etibarən start verilən müəllimlərin işə qəbulu imtahanları iyulun 24-dək davam edəcək.

Müəllimlərin işə qəbulu 4 mərhələdən (elektron ərizədəki göstəricilərin qiymətləndirilməsi, test imtahanı, vakant yerlərin seçilməsi və müsahibə) ibarətdir. Test imtahanı mərhələsində namizədə ixtisas, tədris metodikası, təlim strategiyaları və məntiqə aid suallar təqdim ediləcək. Bu mərhələdə keçid balını toplamış namizədlər 8 vakant yer seçə biləcəklər. Namizədlərin vakant yerlərə yerləşdirilməsi elektron ərizələrində qeyd etdikləri seçim ardıcıllığı gözlənilməklə aparılacaq. Müsahibə mərhələsində test imtahanlarının nəticələrinə əsasən vakant yer tutmaq hüququ qazanmış namizədlərin bilik və bacarıqları, psixoloji hazırlığı və ümumi dünyagörüşü yoxlanılacaq. İşə qəbul müsabiqəsi nəticəsində namizədlərin topladığı bal iki tədris ili qüvvədədir və onlar növbəti tədris ili üçün keçirilən müsabiqə zamanı birbaşa vakansiya seçimi mərhələsində iştirak edə bilərlər.

Milli.Az

loading...

Şərh yaz:

3 Şərh:

  • Anonim
    . · 15 İyul 18:1200

    Adlarni harali oldugnu yazinda

    Cavab yaz
    • Anonim
      Abbas · 15 İyul 19:3750

      Men bilirem ucude Azerbaycan Respublikasinin vetendasidir qane etdi cavab ne vaxta qeder insanlara yerine yurduna gore qiymet vermeye calisacaqiq

      Cavab yaz
  • Anonim
    @@@ · 15 İyul 23:5910

    Rayonlarlar üzrə keçid balı neçədir? Bilən varsa yazsın zəhmət olmasa! ...

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.