Ölkə

Komitə sədri: "Bu il 520 kq narkotik vasitə dövriyyədən çıxarılıb"

15 Aprel 2019 10:49

0 Şərh Baxış: 855

#CƏMİYYƏT

"Azərbaycanda narkomanlığa və narkotik vasitələrin qanunsuz dövriyyəsinə qarşı ciddi mübarizə aparılır".

Milli.Az Trend-ə istinadən xəbər verir ki, bunu Dövlət Gömrük Komitəsinin sədri Səfər Mehdiyev Bakıda keçirilən Narkotiklərlə Mübarizə üzrə 36-cı Beynəlxalq Konfransda çıxışı zaman deyib.

S.Mehdiyev bildirib ki, Azərbaycanın bütün dövlət gömrük keçid məntəqələrində müasir avadanlıqlar quraşdırılıb və daşınan yüklər millimetrinə qədər yoxlanılır: "Görülən ciddi tədbirlər nəticəsində 2019-cu ilin ilk 3 ayı ərzində narkotik vasitələrin qanunsuz dövriyyəsi ilə məşğul olan 16 dəstə aşkar edilib və 520 kq narkotik vasitə dövriyyədən çıxarılıb. Dövlət Gömrük Komitəsi bütün mümkün vasitələrdən istifadə etməklə ölkənin digər hüquq-mühafizə orqanları ilə birgə fəaliyyət göstərir".

Milli.Az