Ölkə

Bacısının şəklini sosial şəbəkədə görən gənc dəliyə döndü - TƏFƏRRÜAT

29 Mart 2019 20:39
7 Şərh     Baxış: 4 422

Qusar rayonunda cinayət törətməkdə təqsirli bilinən 1996-cı il təvəllüdlü Elnur Abdullayevin cinayət işi üzrə məhkəmə prosesi başa çatıb.

Milli.Az Teleqraf.com-a istinadən xəbər verir ki, Elnur Abdullayev 11 iyul 2018-ci il tarixdə sosial şəbəkədə əvvəllər tanıdığı həmyerlisi Mühür Mühürovun onun bacısı Diana ilə birlikdə çəkdirdiyi şəkli görüb.

O, həmin gün gecə saat 3 radələrində Mühür Mühürovu Qusar rayonunda olan evinin qarşısına görüşə çağırıb. Görüş zamanı Mühürdən bacısı Diana ilə münasibətləri kəsməyi tələb edib.

Mühür isə Diana ilə bir-birlərini sevdiklərini və münasibətlərini kəsməyəcəyini bildirib. Onların aralarında mübahisə yaranıb. Elnur üstündəki bıçaqla Mühür Mühürovun qarın nahiyəsinə zərbə vurub.

Yaralı ağır vəziyyətdə xəstəxanaya çatdırılıb. Ona vaxtında tibbi yardım göstərildiyi üçün həyatını xilas etmək mümkün olub. Cinayəti törədən şəxs isə həbs edilib.

İstintaq orqanı tərəfindən Elnur Abdullayevin barəsində Cinayət Məcəlləsinin 126.1-ci (qəsdən sağlamlığa ağır xəsarət yetirmə) maddəsi ilə ittiham elan edilib.

Bakı Ağır Cinayətlər Məhkəməsinin hökmü ilə Elnur Abdullayev 1 il müddətinə azadlıqdan məhrum edilib.

Hökmdən narazı qalan Elnur Abdullayev apelyasiya şikayəti verib və barəsində şərti cəza istəyib.

Onun şikayəti araşdırılması üçün Sumqayıt Apelyasiya Məhkəməsinə göndərilib. Apelyasiya şikayəti hakim Ruhiyyə Əsgərovanın sədrlik etdiyi kollegiyada baxılıb.

Qərara görə, apelyasiya şikayəti qismən təmin edilib, Elnur Abdullayevin cəzası 8 aya endirilib.

Elnur Abdullayevin cəzasının əvvəli 2018-ci il iyulun 12-dən hesablanıb. Belə olan halda o, cəzasını başa çatmış hesab olunub və cəza çəkmə yerindən azadlığa buraxılıb.

Məhkəmənin Elnur Abdullayevə ağır cinayət törətməsinə baxmayaraq güzəşt etməsinə səbəb işdə şikayətçinin olmaması olub.

Elnur Abdullayev həbsdə olduğu müddətdə Diana ilə ailə qurub.

Milli.Az

loading...

Şərh yaz:

7 Şərh:

  • Anonim
    Musa · 29 Mart 20:4790

    Diana ilə ailəni kim qurub?

    Cavab yaz
  • Anonim
    ... · 29 Mart 21:1830

    Axir ki, salamatciliq olub☺

    Cavab yaz
  • Anonim
    Aga · 29 Mart 21:2350

    Başa duşmədim elnur diana ilə ailə qurub?

    Cavab yaz
  • Anonim
    c · 30 Mart 01:3410

    seivlerde niye ayirirsan ay xeste.oldurmekle eline ne kececek

    Cavab yaz
  • Anonim
    dagli qizi · 30 Mart 07:3700

    Qilinc cixdi- qan cixdi....

    Cavab yaz
  • Anonim
    Narmin · 30 Mart 08:1400

    Mutlu son.....

    Cavab yaz
  • Anonim
    f · 30 Mart 20:0610

    ozunun guya sevgilisi yoxdudaa.oglanciq

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.