Ölkə

Bu adam asan qazanc üçün görün nəyə əl atdı - FOTO

26 Oktyabr 2018 17:20
3 Şərh     Baxış: 2 649

DİN Mətbuat Xidmətinin Quba rayonundakı Regional qrupundan Milli.Az-a verilən məlumata görə, oktyabrın 22-də Qusar Rayon Polis Şöbəsinin əməkdaşları tərəfindən keçirilən əməliyyat-axtarış tədbirləri nəticəsində şəhər ərazisindəki yerləşən ərzaq mağazalarının birində aşağı keyfiyyətli un məmulatlarını "əla növ" adı ilə yenidən qablaşdırıb satmaqla istehlakçıların hüquqlarını pozmaqda şübhəli bilinən şəhər sakini Radik Məhsimov saxlanılıb.

Aparılan araşdırmalarla müəyyən edilib ki, adıçəkilən şəxs sahibi olduğu anbarda bu işi təkbaşına görməyib, kisələrin təkrarən doldurulmasını obyektində fəhlə kimi işləyən Asim Əmirova tapşırıb.

Hal şahidlərinin iştirakı ilə R.Məhsimova məxsus anbara keçirilən baxış zamanı oradan satış üçün nəzərdə tutulmuş, "əla növ" adıyla qablaşdırılmış 13 kisə un, xeyli sadla boş kisələr və tikiş üçün istifadə olunan avadanlıq aşkar edilib. Bundan əlavə, R.Məhsimova məxsus yük avtomobilinə baxış zamanı ərzaq mağazasına aparılacaq un məmulatları arasında haqqında bəhs olunan 5 kisə "əla növ" un aşkar edilərək maddi sübut kimi götürülüb.

Faktla bağlı Qusar RPŞ-nin Təhqiqat qrupunda araşdırma aparılır və nəticəsindən asılı olaraq məsələyə hüquqi qiymət veriləcək.

Pünhan Mirzə
Milli.Az

loading...

Şərh yaz:

3 Şərh:

  • Anonim
    Weyx · 26 Oktyabr 2018 17:2730

    werefsiz allah belani verecek

    Cavab yaz
  • Anonim
    miris · 26 Oktyabr 2018 17:4810

    Alcaq

    Cavab yaz
  • Anonim
    yerli · 26 Oktyabr 2018 18:2410

    bele isler yalniz bizlerin aqlina gele biler.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.