Ölkə

Azərbaycandan daha bir nəqliyyat dəhlizi keçəcək - "Cənub-Qərb" marşrutunun inkişafı müzakirə edilib - FOTO

14 Mart 2018 15:53
0 Şərh     Baxış: 628

Polşanın paytaxtı Varşavada "Cənub-Qərb" beynəlxalq nəqliyyat marşrutunun inkişafı üzrə Koordinasiya Komitəsinin yığıncağı keçirilib.

"Azərbaycan Dəmir Yolları" QSC-dən Milli.Az-a verilən məlumaat görə, tədbirdə Azərbaycan, İran, Gürcüstan, Ukrayna və dəmir yollarının nümayəndə heyətləri iştirak ediblər. "Azərbaycan Dəmir Yolları" QSC-ni sədr müavini İqbal Hüseynovun rəhbərlik etdiyi nümayəndə heyəti təmsil edib.

Koordinasiya Komitəsinin yığıncağında Ukrayna tərəfinin son dəyişikliklərini nəzərə alaraq aşağıdakı məsələlər müzakirə olunub:

- 2018-ci il üçün "Cənub-Qərb" marşrutundakı xüsusi heyət üçün istifadə olunan vaqon və konteynerlərdə yüklərin daşınmasına dair tariflərin nəzərdən keçirilməsi;
- Slavkuv-Astara (İran) marşrutu üzrə ilk test konteyner (blok) qatarının göndərilməsi; 

- Universal heyətlə yüklərin (taxıl, bitki mənşəli yağlar, metal məmulatları, tikinti materialları, polietilen, polipropilen, filiz, bitum, şüşə, tomat pastası, quru meyvələr və s.) daşınmasına dair kompleks tariflərinin nəzərdən keçirilməsi;

- 2018-ci il üçün Cənub-Qərb marşrutu üzrə universal və xüsusi konteynerlərdə təhlükəli yük daşınmasının müzakirəsi və razılaşdırılması;

- Astara (İran) stansiyasının istismara verilməsindən sonra, Azərbaycan və İrana yükdaşıma tariflərinin Azərbaycan və İran tərəfindən yenidən nəzərdən keçirilməsi və təsdiq edilməsi; 

- Marşrutun dəniz hissəsində (Qara dənizdə) tarif şərtlərinin optimallaşdırmasına dair əldə edilmiş nəticələrin Ukrayna və Gürcüstan tərəflərinə təqdim edilməsi;

- Azərbaycan, Gürcüstan, İran və Polşa tərəfləri arasında (ay ərzində bir blok-qatardan artıq olmaması şərti ilə) boş konteyner və boş platformaların daşınma ödənişindən azad edilməsi məsələsinin nəzərdən keçirilməsi;

- bu məsələ üzrə Ukrayna tərəfinin yekun qərarının İşçi qrupuna açıqlanması;

- Kompleks tariflərinin yerləşdirilməsi haqqında Azərbaycan tərəfinin məlumatının marşrutun veb-səhifəsində, həmçinin, marşrut iştirakçılarına təqdim edilməsi

Bununla yanaşı görüşdə digər strateji əhəmiyyətli məsələlər də müzakirə mövzsusu olub.

Tərəflər, müzakirə olunan məsələlərin "Cənub-Qərb" beynəlxalq nəqliyyat marşrutunun inkişafına, tranzit potensialının artırılmasına və əlavə yüklərin cəlb edilməsinə xidmət göstərəcəyini bildiriblər.

Sonra yığıncağın protokolunun imzalanması mərasımı keçirilib.

Tədbir çərçıvəsində dəmir yolu administrasiyalarının təqdimatları (mövcud potensial və imkanlar, planlar) olub, eyni zamanda potensial müştəri və ekspeditor şirkətləri ilə işgüzar görüşlər də baş tutub.

Xatırladaq ki, "Cənub-Qərb" beynəlxalq nəqliyyat marşrutu Avropa Birliyi ilə Hindistan arasında yüklərin daşınmasına hesablanıb. Dəhliz İran, Azərbaycan, Gürcüstan, Ukrayna vasitəsilə Hindistandan Avropaya və əks istiqamətdə yüklərin daşınmasında vaxt itkisini azaldır. İlkin hesablamalara əsasən, bu dəhliz üzrə yük daşımalarını 7 gün ərzində həyata keçirmək mümkün olacaqdır. Alternativ marşrutlarda çatdırılma vaxti isə 35-37 gün təşkil edir.

Yusif Nəsirli
Milli.Az

Məqaləyə dair fotomateriallar:

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.