Dünya

Məşhur milyarderdə yenidən XƏRÇƏNG AŞKARLANDI - 6 ay ömrü qalıb

26 May 2024 16:18

Baxış: 1 268

VTB-də minimal faiz dərəcəsi ilə nağd kredit 9.9%-dən

#RUSİYA #MƏŞHURLAR #FUTBOL #XƏRÇƏNG XƏSTƏLİYİ

Rusiyalı milyarder, "Krasnodar" futbol klubunun sahibi Sergey Qalitskidə yenidən xərçəng şişi aşkarlanıb.

Milli.Az publika.az-a istinadən xəbər verir ki, bu barədə jurnalist İvan Karpov "Telegram" kanalında məlumat yayıb.

Jurnalist həmçinin xəstəlik səbəbindən xeyli dəyişilmiş iş adamının fotosunu da paylaşıb.

"Hələ dekabr ayında həkimlər "Krasnodar"ın sahibinə məyusedici diaqnoz qoydular: altı ay yaşamaq. Bütün bu müddət ərzində o, orqanizmə çox təsir edən kimyaterapiyadan keçdi", - Karpov bildirib.

Onun sözlərinə görə, milyarder iki fond təşkil edib, onlardan biri futbol klubunun, ikincisi isə "Krasnodar" akademiyasının işləri ilə məşğul olacaq.

"Qeyd etmək vacibdir ki, bu yaxınlarda onun qızı Polina atasının həyatında getdikcə daha mühüm rol oynamağa başlayıb. O, klubun fəaliyyəti üçün nəzərdə tutulan fonda nəzarət edəcək", - Karpov yazıb.

Qalitski xəstəliyi haqqında ilk dəfə 2021-ci ilin payızında danışmışdı.

"Bu həyatdır - sən həmişə taleyinin ağası deyilsən", - milyarder deyib.

Qalitski "Forbes"in ən zəngin ruslar siyahısında 41-ci yerdədir. Nəşr onun sərvətini 3,3 milyard dollar qiymətləndirir.

Milli.Az
Xəbərlərimizi WhatsApp kanalımızdan da oxuyun