Şou-biznes

Ülviyyə Xəlilbəyova: "Saçımı yoldu, pis sözlər dedi"

6 İyul 2026 14:52

Baxış: 2 272

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #AKTRİSA

Aktrisa Ülviyyə Xəlilbəyova məktəb illərində yaşadığı xoşagəlməz hadisə ilə bağlı diqqətçəkən açıqlama verib.

Milli.Az-ın məlumatına görə, sənətçi bildirib ki, uşaqlıqdan yanaqlarının təbii olaraq qızarması müəllimlərindən biri tərəfindən yanlış başa düşülüb. Onun sözlərinə görə, riyaziyyat müəllimi bunu kosmetik vasitə hesab edərək hamının gözü qarşısında kobud davranış sərgiləyib.

Ülviyyə Xəlilbəyova həmin anları belə xatırlayıb:

"Yanaqlarım həmişə təbii olaraq qıpqırmızı olurdu. Riyaziyyat müəllimim bunu ənlik hesab etdi, dəhlizdə hamının gözü qarşısında saçımı qəddarca yoldu və xoşagəlməz ifadələr işlətdi. Digər müəllimlər bunun təbii olduğunu izah etsələr də, nə üzr istədi, nə də peşman olduğunu göstərdi."

Aktrisa qeyd edib ki, hadisənin üzərindən 20 ildən çox vaxt keçməsinə baxmayaraq, həmin günü hələ də unutmayıb.

"Bu hadisədən 20 ildən çox vaxt keçib. Amma İlhamiyyə müəlliməni hələ də nifrətlə xatırlayıram! Unutmadım, unutmaram!" - deyə sənətçi paylaşımında vurğulayıb.

Müəllif: Tural Hüseyn (Milli.Az redaktor)