Şəkidə DƏHŞƏT - Yeznə qaynını öldürdü: "Bacı üstündə" - YENİLƏNİB - VİDEO - FOTO

17:24

Şəkidə yeznə odlu silahla qaynını qətlə yetirib.

Milli.Az ARB Şəki-yə istinadla xəbər verir ki, hadisə aprelin 30-u axşam saatlarında rayonun Fazıl kəndi ərazisində qeydə alınıb.

Şəkinin İbrahimkənd kənd sakini 58 yaşlı Səfərov Tofiq Məhyəddin oğlu Fazıl kəndi ərazisində şəxsi təsərrüfatında olan xırdabuynuzlu heyvanlarını otarmağa gedib. Qohumlarının sözlərinə görə, mərhumun cəsədini ərazidən keçən çoban görüb.

Araşdırma zamanı məlum olub ki, Tofiq Səfərovu Fazıl meşəlik ərazisində qonşu Aşağı Küngüt kəndindən olan yeznəsi, 57 yaşlı Balıyev Vidadi  Sübhan oğlu ov tüfəngi ilə qətlə yetirib.

Keçirilmiş əməliyyat tədbirləri nəticəsində Vidadi Balıyev tutulub. Vidadi Balıyevin daha öncələr də məhkumluq həyatı yaşadığı bildirilir. 

Rafiq Səfərov (Mərhumun qohumu): "Bunların əvvəldən bacı ora köçəndən ailə münaqişəsi olub. Bacı üstündə. Biz bir az səbr etdik. Getdik özü dedi ki bəsdir. Ola bilsin ki, ailə münaqişəsi zəmnində bu hadisəni törədib".

Hadisənin ailə münaqişəsi zəminində baş verdiyi ehtimal olunur.

--------

10:03

Şəkidə yeznə odlu silahla qaynını qətlə yetirib.

Milli.Az xəbər verir ki, hüquq-mühafizə orqanlarından APA-ya verilən məlumata görə, aprelin 30-u axşam saatlarında rayonun Fazıl meşəlik ərazisində üzərində güllə yarası olan kişi meyiti tapılıb. Ölən şəxsin İbrahimkənd kənd sakini, 1959-cu il təvəllüdlü Tofiq Məhyəddin oğlu Səfərov olduğu müəyyənləşib.
 
Araşdırma zamanı məlum olub ki, Tofiq Səfərovu Fazıl meşəlik ərazisində qonşu Aşağı Küngüt kəndindən olan yeznəsi, 1960-cı il təvəllüdlü Vidadi Süphan oğlu Əliyev ov tüfəngi ilə qətlə yetirib. Vidadi Əliyev tutulub, qətldə istifadə edilən ov tüfəngi ondan götürülüb.
 
Faktla bağlı Şəki Rayon Prokurorluğunda cinayət işi başlayıb, araşdırma aparılır. 

Milli.Az

Digər maraqlı xəbərlər Milli.Az-ın Facebook səhifəsində

Videonu izləmək üçün şəklə klikləyin: