Ölkə

Bestseller müəllifindən yeni psixoloji roman - RELSLƏR ÜZƏRİNƏ UZANMIŞ ADAM - FOTO

13 Mart 2017 16:58
5 Şərh     Baxış: 6 094

Bu günlərdə araşdırmaçı-yazar, psixoloq Rövşən Abdullaoğlunun yeni psixoloji romanı işıq üzü görüb.

Milli.Az xəbər verir ki, "Relslər üzərinə uzanmış adam" adlı roman çox fərqli bir səpkidə yazılıb. Kitab oxucunu elə ilk səhifələrindəncə özünə cəlb edir. Əsərdə müasir dünyanın bir sıra ictimai, psixoloji və fəlsəfi problemlərinə toxunulub.

Romanın qəhrəmanı psixologiyaya məlum olmayan bir xəstəlikdən əziyyət çəkir. Buna görə də o, cəmiyyətdən təcrid olunub. Həyatı boyu 31 tanınmış psixoterapevtin qəbulunda olan bu şəxs xilas yolunu sonda intiharda görür. Beləliklə də o, relslər üzərinə uzanaraq ölüm qatarının gəlməsini gözləyir. Onun yüzlərlə intihar forması arasından şüuraltı olaraq məhz relsləri seçməsi də səbəbsiz deyildir.
 

Relslər üzərində uzanıb ölüm qatarını gözləyərkən onun yanına intihar etmək ucun daha bir nəfər gəlir. Reslər üzərinə uzanmış adamın ağlına belə gəlməzdi ki, bu yad insan onu qaranlıq keçmişi ilə bir daha üz-üzə qoyacaq və bu görüş həyatını tamamilə dəyişəcəkdir. O, bu yad insanla bir-birlərinə daxili "cəhənnəmlərinin qapısı"nı açacaq və bir-birilərini öz gizli aləmləri ilə tanış edəcəklər. Sonda yad insan onu həyatının ən mühüm və dəhşətli seçimi qarşısında qoyacaq. Özü də bir deyil, bir neçə amansız seçim...

Bu annotasiyanı oxuyan şəxs elə biləcək ki, əsərin qəhrəmanı, məhz relslər üzərinə uzanan bu şəxs və o yad insandır. Ancaq onların hər ikisi əslində əsas hadisələrin başlanması üçün bir müqəddimədir. Ən dəhşətlisi isə budur ki, onlar baş verən bütün müsibətlərin eyni zamanda ən böyük qurbanlarıdır.

Qeyd edək ki, Rövşən Abdullaoğlunun indiyədək 25-ə yaxın kitabı işıq üzüb. Onlardan "Relslər üzərinə uzanmış adam" müəllifin ikinci psixoloji romanıdır. Onun "Bu şəhərdə kimsə yoxdur" romanı isə 2016-cı ilin ən çox satılan kitabı - bestseller olub.

Zərif Nisə

Milli.Az

Digər maraqlı xəbərlər Milli.Az-ın Facebook səhifəsində

Məqaləyə dair fotomateriallar:

loading...

Şərh yaz:

5 Şərh:

  • Anonim
    Emi · 13 Mart 2017 17:1000

    Inaniram ki,yeni eser de "Bu seherde kimse yoxdur"romani kimi sevilecek,populyar olacaq

    Cavab yaz
  • Anonim
    asi · 13 Mart 2017 17:2600

    Bu yaxınlarda kanalların birində qonaq idi.Maraqlı fikirləri vardı..

    Cavab yaz
  • Anonim
    zehra · 13 Mart 2017 17:2700

    Bu seherde kimse yoxdur cox gozel yasilmiz romandi, yegin ki bu romanda ondan geri qalmaz

    Cavab yaz
  • Anonim
    DD 11 · 13 Mart 2017 18:0600

    Rövsen A Iranda da tehsil alib . Çox gözel romanlari var !

    Cavab yaz
  • Anonim
    qonaq · 13 Mart 2017 18:3210

    bu yeni romanın çox maraqlı sujet xətti var. Bu şəhərdə kimse yoxduru da oxumuşam. o da çox təsirlidir

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.