Ölkə

Kuryer qarşılaşdığı problemlərdən danışdı: "44 manatı məndən çıxdılar" - (Video)

27 Avqust 2026 23:11

Baxış: 306

VTB-də minimal faiz dərəcəsi ilə nağd kredit 9.9%-dən

#CƏMİYYƏT #VİDEO

3 ildir kuryer kimi fəaliyyət göstərən Dayandur Hümbətov deyir ki, sifarişi təhvil götürdükləri bəzi iaşə obyektlərində qablaşdırılma düzgün edilmir. Nəticədə içki, yaxud maye şəklində olan digər qidalar mənzil başına çatanadək dağılır. Sifarişçi də məhsulu götürmür, bunun ödənişi isə kuryerdən çıxılır.

Milli.Az Xəzər TV-yə istinadən bildirir ki, "Bolt"da kuryer işləyən Dayandur deyir ki, qazanc üçün yayda, qışda motosikletlə 250 km-dək yol qət edir. Gün ərzində əldə etdiyi gəlir isə bəzən müştərinin təhvil götürmədiyi sifarişin məbləği qədər olur.

Kuryer deyir ki, belə hallarla bağlı dəfələrlə işlədikləri şirkətə müraciət etsələr də, nəticəsi olmayıb.

Məsələ ilə əlaəqdar "Bolt"dan Xəzər Xəbər"ə bildirildi ki, şirkət olaraq həm müştərilərin, həm də kuryerlərin maraqlarının qorunmasına xüsusi önəm verirlər. Bütün müraciətlər faktlar əsasında fərdi qaydada araşdırılır və qərarlar hər bir hadisənin konkret şəraiti nəzərə alınmaqla qəbul edilir. Araşdırma zamanı sifarişin hazırlanması, qablaşdırılması və çatdırılması ilə bağlı bütün hallar qiymətləndirilir, məsuliyyət isə hadisənin səbəbindən asılı olaraq müəyyən edilir. Bununla yanaşı, müəyyən tərəfdaşlar üzrə xüsusi istisnalar tətbiq edilir və həmin hallarda fərqli prosedurlar qüvvədə olur.

Daha ətraflı videomaterialı təqdim edirik.

Müəllif: Ülkər Vəliyeva (Milli.Az redaktor)