Ölkə

Azərbaycanlı tələbələr Moldova aeroportunda qalıb - XİN-dən açıqlama - FOTO

13 Noyabr 2025 13:20

Baxış: 549

VTB-də yüksək depozit faizleri daha çox qazandırır

#XARİCİ İŞLƏR NAZİRLİYİ

"Ukraynaya oxumağa gedən 34 azərbaycanlı tələbə Moldovada saxlanılıb və pasportları əllərindən alınıb".

Milli.Az xəbər verir ki, bu şikayətlə "qafqazinfo"ya Moldovada saxlanılan tələbələrdən biri - Özcan Həşimovun yaxını Firuzə Əkbərova müraciət edib.

Onun sözlərinə görə, dünən səhər bir müəllim, bir valideyn və 34 tələbə birlikdə Moldovaya uçublar və oradan Ukraynaya keçməli imişlər: "Moldovadan keçəndə hər birinin pasportuna möhür vurulub. Ukraynaya keçmək istəyəndə isə onları buraxmayıblar. Bunun üçün heç bir əsaslı səbəb göstərilməyib. Əvvəlcə hədə-qorxu gəliblər, baqajlarını əllərindən alıblar, yükləri ortada yoxdur. Deyiblər ki, bu gün üçün Azərbaycana qayıtmalıdırlar. Onlar tələbədirlər, nə qədər əziyyət çəkiblər, pul töküblər, imkanlısı var, kasıbı var... Ən əsası da valideyn və müəllim də daxil olmaqla hər birinin pasportlarını əllərindən alıblar. Hətta su, yemək almağa belə icazə vermirlər".

F.Əkbərova həmçinin qeyd edib ki, tələbələrin universitet sənədlərində də heç bir problem yoxdur: "Universitet tərəfindən onlara bildiriş də göndərilib. Bütün sənədlər qaydasındadır. Uşaqların 17-18 yaşları var, 1-ci kurs tələbələridilər. Onların pasportlarına ilk dəfədir ki, möhür vurulub. İndi də problem yaradırlar. Səfirliklə də əlaqə saxlamışıq, amma cavab yoxdur".

Məsələ ilə bağlı Azərbaycan Xarici İşlər Nazirliyindən cavab olaraq bildirilib ki, Moldovadakı Səfirliyimiz sözügedən hadisə ilə bağlı məlumatlıdır:

"Qeyd edilən gənclərə hər bir dəstək göstərilib. Onların universitetə qəbul sənədləri qaydasında olmadığı üçün Moldova tərəfi Ukraynaya buraxmayıb. Onlar ölkəmizə geri qaytarılacaq".

Milli.Az