Ölkə

Bu rayonlarda da qaz olmayacaq

27 Sentyabr 2025 11:33

Baxış: 325

VTB-də yüksək depozit faizleri daha çox qazandırır

#CƏMİYYƏT

Sentyabrın 29-da Balakən və Qəbələ rayonlarının bəzi qəsəbə və kəndlərində qaz təchizatında fasilə yaranacaq.

Bu barədə Milli.Az-a "Azəriqaz" İstehsalat Birliyindən bildirilib.

Məlumata görə, Balakən rayonunda quraşdırılacaq balans qovşaqlarının yerləşdiyi ərazilərdə istismara yararsız müxtəlif diametrli siyirtmələrin yenisi ilə əvəzolunması məqsədi ilə saat 09:00-dan işlər yekunlaşanadək Balakən şəhəri, 26 kənd və 1 qəsəbədə 20351 abonentin qaz təchizatı daxildən dayandırılacaq.

Qəbələ rayonu Zarağan kəndi ünvanında yerləşən İbişova Xalidə Fərrux qızına məxsus fərdi yaşayış evinin qaz xəttinə mənbəyə qoşulması məqsədi ilə saat 10:00-dan işlər yekunlaşanadək kənddə 1115 abonentin qaz təchizatı dayandırılacaq.

Eyni zamanda, rayonun Vəndam qəsəbəsində yerləşən Əliyev Vüqar Elçin oğluna məxsus fərdi yaşayış evinin qaz xəttinə qoşulması məqsədi ilə saat 10:00-dan işlər yekunlaşanadək qəsəbənin bir hissəsində 171 abonentin qaz təchizatı dayandırılacaq.

Qurumdan bildirilib ki, hər iki rayyon ərazisində işlər başa çatdırıldıqdan sonra qazın verilməsi bərpa olunacaq.

Milli.Az