Hadisə

Antikvar samovarı Azərbaycana gətirmək istəyirdi, əlindən aldılar

27 Mart 2026 18:40

Baxış: 3 918

VTB-də minimal faiz dərəcəsi ilə nağd kredit 9.9%-dən

#GÖMRÜK

Rusiyanın Yekaterinburq şəhərindəki "Koltsovo" hava limanının əməkdaşları antikvar samovarın ölkədən çıxarılmasının qarşısını alıblar.

Milli.Az Lent.az-a istinadən xəbər verir ki, "yaşıl dəhliz"dən keçən şəxsin yoxlanışı zamanı inspektorlar mədəni dəyərə malik əşya aşkar ediblər. Gömrükçülər XIX əsrə aid, Bakıya aparılan latun samovarın ölkədən çıxarılmasının qarşısını alıblar.

Sahibi bildirib ki, samovar nəsildən-nəslə ötürülən ailə yadigarıdır və Çelyabinskdə əmisinin qarajında saxlanılıb. Mütəxəssislər müəyyən ediblər ki, bir əsrdən çox əvvəl Şemarin qardaşlarının müəssisələrində hazırlanmış bu samovar mədəni dəyər əlamətlərinə malikdir. Kişi onu sonradan istifadə etmək üçün Azərbaycana gətirmək istəyib.

Əşyanın xarakterik xüsusiyyətlərindən biri onun tarixi əhəmiyyətini təsdiqləyən çoxsaylı möhürlərin olmasıdır. Hazırda vətəndaşa qarşı malların bəyan edilməməsi və ixrac qaydalarının pozulması ilə bağlı inzibati işin başlanması məsələsinə baxılır.

Milli.Az