Ölkə

Musiqi məktəlbərində təhsil haqqı 2 dəfəyə yaxın artırıldı, 50 faizini də indi istəyirlər

11 Sentyabr 2025 11:03

Baxış: 445

VTB-də yüksək depozit faizleri daha çox qazandırır

#MUSİQİ

Azərbaycan Respublikası Mədəniyyət Nazirliyi tabeliyində olan musiqi məktəlbərində artırılıb.

Milli.Az-ın əldə etdiyi məlumata görə, musiqi məktəlbərində təhsil haqqı aylıq ortalama 50 manat artırılıb. Haızrda musiqi məktəbləri üçün aylıq təhsil haqqı 120 azn ətrafındadır, 10 aylıq dövr üçün isə bu 1200 azn edir.

Ödənişli təhsil üzrə illik müəyyən olunmuş təhsil haqqı hər tədris ili üçün müvafiq bank hesablarına köçürülmə yolu ilə ödənilməlidir. Təhsil haqqının I yarısı (5 ay) üçün sentyabr ayının 10-dək, II yarısı (5 ay) üçün fevral ayının 1-dək ödənilməlidir.

Mədəniyyət Nazirliyinin bu qaydanı tətbiq etməsi valideynlər tərəfindən narazılıqla qarşılanıb. Ödənişin aylıq yox, yarısının indidən tələb olunması valideynləri çətin vəziyyətə salıb.

Azərbaycan Respublikası Mədəniyyət Nazirliyinin sistemindəki incəsənət məktəb və mərkəzlərinə şagirdlərin qəbulu və yerdəyişməsi ilə bağlı qaydalarda isə göstərilib ki, ödənişli təhsil üzrə təhsil haqqının məbləği Nazirliklə razılaşdırmaqla İdarə
tərəfindən müəyyən edilir.

Valideynlərin sözlərinə görə, digər tərəfdən uşaqlar imtahanda yüksək bal toplasalar da musiqi məktəblərində ödənişliyə qəbul olurlar.

Məsələ ilə bağlı Mədəniyyət Nazirliyinə sorğu ünvanlanıb.

Mehman Əsədov
Milli.Az