İdman

Yamalın nənəsi bu FOTOdan sonra ulduz oldu

3 Fevral 2026 10:30

Baxış: 1 835

VTB-də minimal faiz dərəcəsi ilə nağd kredit 9.9%-dən

#BARSELONA #AİLƏ #FUTBOL #PRİMERA #LAMİN YAMAL

"Kraliça Fatimə" ləqəbi ilə tanınan Lamin Yamalın nənəsi bir foto paylaşımından sonra sosial şəbəkələrin gündəminə çevrilib.

Milli.Az-ın xarici mediaya istinadən verdiyi məlumata görə, "Barselona"nın "Elçe"ni 3:1 hesabı ilə məğlub etdiyi oyundan sonra futbolçunun atası Munir Nasraui maraqlı bir şəkil paylaşıb. O, paylaşımına "Hər şey kraliça Fatimə ilə başlayıb" qeydi əlavə edib. Fotoda Munir Nasraui və Lamin Yamalın nənəsi Fatimə xalat və gün eynəyi ilə nəvələrinin posterinin qarşısında poza veriblər.

Fatimə nənənin fərqli və diqqətçəkən görüntüsü qısa zamanda sosial mediada geniş yayılıb və çoxsaylı yumoristik paylaşımlara səbəb olub. Lakin bu görüntünün arxasında dərin və təsirli bir həyat hekayəsi dayanır.

Məlumata görə, illər əvvəl Mərakeşdən İspaniyaya köçən Fatimə ailəsinin gələcəyi üçün böyük zəhmət çəkib, yeni bir həyat qurmaq naminə uzun illər çalışıb. Ailənin bugünkü uğur yolunun təməlində də məhz onun əzmi və fədakarlığı dayanır.

Bu baxımdan Munir Nasraui-nin sözləri təsadüfi deyil. Lamin Yamalın zirvəyə gedən yolunun başlanğıcı həqiqətən də "kraliça Fatimə"dən başlayır.

Hüseyn
Milli.Az