Ölkə

Onlara əsgərlikdən möhlət hüququ veriləcək

28 İyul 2025 14:42
Baxış: 5 976
VTB-də minimal faiz dərəcəsi ilə nağd kredit 9.9%-dən
#HƏRBİ QULLUQÇU #HƏRBİ XİDMƏT

Peşə təhsili alan gənclər hərbi xidmətə çağırışla bağlı müəyyən şərtlər daxilində möhlət hüququ əldə edirlər.

Milli.Az modern.az-a istinadən xəbər verir ki, bu, "Hərbi vəzifə və hərbi xidmət haqqında" Qanunun 21.1.2-ci maddəsində əksini tapıb.

Həmin maddəyə əsasən, peşə təhsili müəssisələrində təhsil alan və bu təhsil müəssisələrinə daxil olana qədər tam orta təhsil almamış çağırışçılar üçün 20 yaşınadək müddətli həqiqi hərbi xidmətə çağırışdan möhlət verilir.

Qanunun bu müddəası peşəkar bacarıqlar qazanmaq istəyən gənclərin təhsil prosesinin hərbi xidmətə görə yarımçıq qalmamasını təmin etmək məqsədi daşıyır.

Xatırladaq ki, möhlət hüququ yalnız qeyd olunan şərtlərə cavab verən şəxsləri əhatə edir və 20 yaş tamam olduqdan sonra hərbi xidmətə çağırış qüvvədə qalır.

Məlumat üçün bildirək ki,  "Hərbi vəzifə və hərbi xidmət haqqında" Qanuna edilmiş son dəyişikliklə ümumi təhsil müəssisələrində tam orta təhsil alanlara da 20 yaşınadək hərbidən möhlət hüququ verilir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.