Ölkə

Bu cihazlara görə işıq pulu ikiqat gəlir: sönülü olsa da, YAZIR

26 İyun 2025 12:07

Baxış: 12 923

VTB-də minimal faiz dərəcəsi ilə nağd kredit 9.9%-dən

#CƏMİYYƏT #İŞIQFOR #PUL

Evimizdə əksər elektron cihaz sönülü görünsə də, əslində enerji sərf etməyə davam edir.

Milli.Az xəbər verir ki, mütəxəssislər bunun zaman keçdikcə elektrik xərclərini gözlənilməz dərəcədə artırdığına diqqət çəkirlər.

Xüsusilə televizorlar, printerlər, masaüstü kompüterlər, səs sistemləri və oyun konsolları kimi bir çox cihaz səssizcə enerji istehlak edir. Uzaqdan idarəetmə ilə söndürülən cihazlar isə tamamilə sönmək əvəzinə gözləmə rejimində işləməyə davam edərək ay ərzində elektrik sərfiyyatını əhəmiyyətli dərəcədə artırır.

Mütəxəssislərin araşdırmalarına əsasən, gözləmə rejimində olan televizorlar saatda təxminən 1-5 vatt enerji sərf edir. Lakin bu göstərici inkişaf etmiş oyun konsollarında saatda 10 vatt-a qədər yüksələ bilər. Bundan əlavə, mikrodalğalı sobalar, paltaryuyan maşınlar, elektrik jalüzləri, görüntülü domofon sistemləri və toxunuşla işləyən işıqlandırma sistemləri də az miqdarda olsa belə, daimi şəkildə enerji sərf edir. Elektrik yuvasında unudulan telefon şarj cihazları isə bu görünməz enerji oğruları arasında mühüm yer tutur.

Bu tip cihazların enerji sərfiyyatını minimuma endirmək üçün istifadə olunmadıqda onları tamamilə söndürmək və ya elektrik şəbəkəsindən ayırmaq tövsiyə olunur. Xüsusilə çoxsaylı cihaz qoşulu olan evlərdə enerji qoruyucu uzadıcılar və ya ağıllı açar sistemlərdən istifadə edilməsi həm rahatlıq, həm də qənaət baxımından effektiv nəticələr verə bilər. /musavat.com

Milli.Az