Ölkə

Dəhşətli qəzada ölənlərin biri PTX-nin əməkdaşı imiş - YENİLƏNİB - FOTO

6 İyun 2025 15:42

Baxış: 1 495

VTB-də minimal faiz dərəcəsi ilə nağd kredit 10.49%-dən

#HADİSƏ #YOL QƏZASI #YOL-NƏQLİYYAT HADİSƏSİ

15:42

Xəbər verdiyimiz kimi, iyunun 5-i gecə saatlarında Qazax rayonunda ağır yol-nəqliyyat hadisəsi baş verib. Nəticədə 4 nəfər ölüb.

Manset.az-ın əldə etdiyi məlumata görə, sükan arxasında olan Ramal Vəliyev ata olacağı xəbərini aldıqdan sonra bu sevincli xəbəri dostları ilə birlikdə qeyd etməyə gedirmiş. Üç ildir övlad həsrəti çəkən çavuş bu xəbəri eşidər-eşitməz yaxın dostları ilə görüşüb, həmin gün yola çıxıblar.

Təəssüf ki, yol qəzası faciə ilə nəticələnib. Ramal Vəliyev və avtomobildə olan sərnişinlər - 1997-ci il təvəllüdlü Nəsibov Rafət Mahir oğlu, 2004-cü il təvəllüdlü Nəbiyev Göyüş Fəxrəddin oğlu və 2000-ci il təvəllüdlü Əhmədov Zaur Mahmud oğlu hadisə yerində həyatlarını itiriblər.

Qəzada həlak olan Rafət Nəsibovun ailəli olduğu, bir oğlan övladının olduğu bildirilir. Digər iki sərnişin isə subay olublar.

FOTODA RAMAL VƏLİYEV

14:42

İyunun 5-i gecə saatlarında Qazax rayonu Əskipara kəndi ərazisində baş verən qəzada ölən 4 nəfərdən biri Prezidentin Təhlükəsizlik Xidmətində xidmət edirmiş.

Milli.Az unikal-a istindən xəbər verir ki, 1997-ci il təvəllüdlü Ramal Vəliyev PTX-də baş çavuş rütbəsini daşıyıb. O, qəza zamanı sükan arxasında olub.

Baş Dövlət Yol Polisi İdarəsinin yaydığı məlumatdakı ilkin ehtimala görə, qəzanın baş verməsinə səbəb nəqliyyat vasitəsinin yüksək sürətlə və sərxoş halda idarə edilməsi olub.

Xatırladaq ki, kənd ərazisində BMW markalı avtomobil ağır qəza törədib. Qəza nəticəsində sürücü Ramal Vəliyev və avtomobildə olan üç sərnişin - 1997-ci il təvəllüdlü Nəsirov Rafət Mahir oğlu, 2004-cü il təvəllüdlü Nəbiyev Göyüş Fəxrəddin oğlu və 2000-ci il təvəllüdlü Əhmədov Zaur Mahmud oğlu hadisə yerində həyatlarını itiriblər.

Milli.Az