Ölkə

İsmayıllıda Heydər Əliyevin 102-ci ildönümünə həsr edilmiş tədbir keçirilib - FOTO

10 May 2025 17:30

Baxış: 767

VTB-də minimal faiz dərəcəsi ilə nağd kredit 9.9%-dən

İsmayıllı rayon Heydər Əliyev Mərkəzində Ümummilli Lider Heydər Əliyevin anadan olmasının 102-ci ildönümü münasibətilə ümumrayon tədbiri təşkil olunub.

Milli.Az xəbər verir ki, tədbirdə İsmayıllı Rayon İcra Hakimiyyətinin başçısı Nahid Bağırov, hüquq-mühafizə orqanlarının rəhbərləri, idarə və təşkilat nümayəndələri, şəhid ailələri və ictimaiyyət fəalları iştirak edib.

Əvvəlcə tədbir iştirakçıları Heydər Əliyevin abidəsini ziyarət edib, önünə əklil və gül dəstələri qoyublar.

Heydər Əliyev Mərkəzində davam edən tədbir çərçivəsində Ulu Öndərə həsr olunmuş sərgiyə baxış keçirilib, onun həyat və fəaliyyətini əks etdirən film təqdim olunub. Tədbir iştirakçıları həmçinin Ümummilli Liderin sevdiyi mahnıları dinləyib.

Tədbirin sonunda Yeni Azərbaycan Partiyasının sıralarına yeni qoşulan gənclərə üzvlük vəsiqələri təqdim edilib.

Milli.Az