Ölkə

“Viləş Palace Hotel” Hacı Mazandan alınıb?

16 Aprel 2025 18:25
Baxış: 1 590
VTB-də minimal faiz dərəcəsi ilə nağd kredit 9.9%-dən
#HOTEL

"Hacı Mazan" kimi tanınan iş adamı Ramazan Zeynalova məxsus "Viləş Palace Hotel"in qanuni təmsilçisi dəyişib. 

Milli.Az-ın "Qaynarinfo"ya istinadən məlumatına görə, Zeynalov Vüqar Məhərrəməli oğlu "Viləş Palace Hotel" MMC-nin qanuni təmsilçiliyindən çıxarılıb. Onun yerinə Bağırlı Samir Eldar oğlu gətirilib.

Qanuni təmsilçinin niyə dəyişdirildiyinin səbəbi bilinmir. Yüksək ehtimala görə, hotelin təkcə qanuni təmsilçisi yox, sahibi də dəyişib.

Qeyd edək ki, istirahət mərkəzinin rəsmi rəhbərliyindən gedən Vüqar Zeynalov iş adamı Ramazan Zeynalovun qardaşı oğludur. Ötən il istirahət mərkəzində nağdsız ödənişlərin qəbulundan imtina halları baş verdiyinə görə İqtisadiyyat Nazirliyi yanında Dövlət Vergi Xidməti Vüqar Zeynalova maliyyə sanksiyası tətbiq etmişdi.

Həmçinin Əmlak Məsələləri Dövlət Xidməti "Viləş Palace Hotel" MMC-ni aralarında yaranmış torpaq mübahisəsinə görə məhkəməyə vermişdi. İddialara görə, hotelin yerləşdiyi ərazinin əhəmiyyətli hissəsi dövlətə məxsusdur və həmin ərazi "Viləş Palace Hotel" MMC rəhbərliyi tərəfindən zəbt olunub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.