Ölkə

DİN-dən vətəndaşlara xəbərdarlıq

14 Mart 2025 19:35

Baxış: 3 408

VTB-də minimal faiz dərəcəsi ilə nağd kredit 9.9%-dən

#BANKLAR #DAXİLİ İŞLƏR NAZİRLİYİ

Dəfələrlə edilən xəbərdarlıqlara baxmayaraq hələ də bank kartlarının talanması hallarına rast gəlinməkdədir. Son 24 saat ərzində baş verən bu tipli hadisələrin təhlili onu deməyə əsas verir ki, əksər epizodlarda zərərçəkənlər oxşar üsul və vasitələrlə aldadılıb.

Milli.Az xəbər verir ki, bu barədə Daxili İşlər Nazirliyinin kibertalama cinayətləri ilə bağlı vətəndaşlara müraciətində bildirilib.

"Əvvəlcə mülayim və inandırıcı səslə özünü bank işçisi kimi təqdim edən şəxs tərəfindən zəng olunur. Sizi öz yalanına inandırandan sonra "bank hesabınıza müdaxilə edildiyini, pulunuzun təhlükə altında olduğunu" bildirir. Kömək etməsi üçünsə kartın üzərində olan 16 rəqəmi istəyir. CVV kodunu söyləyəndən sonra bankınızın sizə göndərdiyi OTP və ya 3D təhlükəsizlik kodunu da qarşınızdakı "bank əməkdaşına" dediyiniz anda iş-işdən keçmiş olur. Atacağınız addım çox sadədir. Kart məlumatlarınızı tanımadığınız və güvənmədiyiniz heç bir şəxslə bölüşməyin.

Unutmayın, bank kartınızın təhlükəsizliyi öz əlinizdədir!",- deyə müraciətdə qeyd olunub.

Milli.Az