Ölkə

"Dünyanın mərkəzi Azərbaycanın bu rayonudur"

12 Mart 2025 23:13

Baxış: 2 243

VTB-də minimal faiz dərəcəsi ilə nağd kredit 9.9%-dən

#BAKI

Araşdırmaçı Qalib Quliyevin Qız qalası ilə bağlı yazısındakı Bakı-Bəkkə detalı maraq doğurub. Belə ki o, Bəkkənin dünyanın ilk şəhəri olduğu və bu barədə məlumatın Qurandan çıxarıldığını iddia edib.

Sitat: "Yer kürəsində yaradılmış digər zodiaklar da "Azər" zodiakından istifadə edib. Ərəblər Azərbaycanı zəbt edəndə bu qalanın qara günləri başlayıb, sovet günlərində ərəblərin, farsların, ermənilərin əlində olub. Bakı=Bəkkə olmasaydı, Kəbə də olmazdı. Hazırda sular altında yatan Bəkkənin dünyanın ilkin şəhəri olması məlumatını Qurandan yığışdıranlar da bu xalqın, bu millətin, bu elmin aşkar olmasını istəmirlər".

Bəkkə Azərbaycan şəhəri olub? Onun adı Qurandan çıxarılıbmı?

Globalinfo.az-a danışan Batini-Quran kitabının müəllifi Firudin Gilar Bəgin Bəkkənin dünyanın ən qədim şəhəri olduğunu təsdiq edib:

"Onun bir adı da Misir mətnlərində - ən qədim Azəri (Aziru) şahlığının Kadeş şəhəri adlandırılıb. Sonrakı mənbələrdə bu ad Kadusa çevrilib. Bircə faktı bilmək lazımdır ki, dünyanın göbəyi Azərbaycandır, daha dəqiq Yardımlı rayonudur. Bütün qədim yazıların batini mənalarında söhbət məhz ordan gedir. Qədim tanrılar da, şahlar və peyğəmbərlər nəsli də, adi insan da burada yaradılıb".

İlahiyyatçı Əkrəm Həsənov isə bildirib ki, Bəkkə sözü Quranda yalnız bir dəfə, Ali-İmran surəsinin 96-cı ayəsində keçir:

"Məkkə şəhərinin qədim adlarından biri kimi izah edilir. Bəkkənin Bakı şəhəri və ya Xəzər dənizinin altındakı hər hansı qədim məmləkətlə əlaqəsi olduğuna dair etibarlı elmi və tarixi dəlil yoxdur. Bu cür iddialar fərziyyələrə əsaslanır".

Milli.Az

Milli.Az - Xəbər Portalı

"Dünyanın mərkəzi Azərbaycanın bu rayonudur"

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?