Gələcəyin Bakı şəhəri - 10 il sonra necə olacaq?

Bakı şəhəri son illərdə sürətlə inkişaf etməkdədir. Bu prosesin yaxın 10 ildə hələ daha çox da inkişaf edəcəyi yəqindir. Günü-gündən şəhərdə yeni layihələr və tikinti işləri, yeniliklər həyata keçirilir. Yeni yaşayış binaları, memarlıq abidələrinin bərpası, yeni nəqliyyat yollarının yaradılması, bir sözlə şəhəri abadlaşdırma işləri uğurla davam etməkdədir.

1. Bakıda hal-hazırda gedən dəyişikliklər.

Bakıda hal-hazırda bir çox yeni yaşayış binaları tikilir. Onlardan biri də Binəqədi Yaşayış Kompleksidir. Ümumi sahəsi 9 hektar olan bu kompleksdə 28 bina və 1398 mənzil planlaşdırılır. Ərazidə həmçinin 80 nəfərlik uşaq bağçası və 960 şagirdlik ümumtəhsil məktəbi tikiləcək.

Bir digəri isə Kempinski Residences Bayıl Bay layihəsidir. Xəzər buxtasına açılan füsunkar mənzərəli "Kempinski Residences Bayıl Bay" müasir memarlıq ənənələrini "italyan minimalizmi" ilə birləşdirən dəbdəbəli yaşayış kompleksidir.

Bunlarla bərabər hal-hazırda Bakıda yeni otellər inşa edilir, yeni nəqliyyat yolları və Bakı Metropolitenində yeni xətlər və stansiyalar yaradılır.

2. Şəhəri dəyişdirəcək iri layihələr.

Şəhəri dəyişdirəcək iri layihələr arasında "Crescent Residences" kompleksini və "Sea Breeze" layihəsini görə bilərik. Bu layihələr öz qeyri-adiliyi və əsrarəngizliyi ilə şəhərə yeni ab-hava qatacaq və artıq bir qədər şəhəri dəyişməkdədir.

Xəzər dənizin toxunduğu dəbdəbəli kompleks olan "Crescent Residences" şəhərin mərkəzində - dəb dünyasının simvolu olan Port Bakunun qonşuluğunda yerləşir. Bu kompleksin artıq 1 layihəsinin canlı nümunəsi kimi "Crescent Mall" - a baxa bilərik. "Crescent Residences" - in infrastrukturu da özünəməxsusluğu ilə seçilir. Mənzil sahibləri və onların qonaqlarını PAŞA Real Estate tərəfindən təmin olunan dünya səviyyəli xidmətlər və əmlaka texniki qulluq gözləyir. Burada qarşılama xidmətindən 24 saat mühafizəyə və hər bir gözləntini qarşılayan xüsusi konsyerjə qədər hər şeyə diqqətlə yanaşılır.

"Sea Breeze" kompleksi, Xəzər dənizinin sahilində, Nardaran qəsəbəsində yerləşən müasir kurort və yaşayış məkanıdır. Ümumi ərazisi 500 hektardır. Ərazidə tikilmiş və tikilməkdə olan 40-dan çox layihə mövcuddur. 50-dən çox restoran, kafe və barlar fəaliyyət göstərir. Layihə, geniş qumlu çimərliklər, dəbli restoranlar, SPA və fitnes mərkəzləri kimi infrastruktura malikdir.

Nardaran sahil xətti Bakının şimal-şərqində yerləşən və Xəzər dənizi boyunca uzanan bir ərazidir. Nardaran sahil xətti, "Sea Breeze" layihəsi sayəsində Bakının yeni vizit kartına çevriləcək.

"Dreamland Golf Club" - u Bakı şəhərində yerləşən müasir qolf klubudur. Ərazidə yeni yaşayış və istirahət obyektlərinin tikintisi planlaşdırılır ki, bu da ərazinin perspektivlərini daha da artırır.

3. Bakının yaşıl enerjiyə keçidi.

Bildiyimiz kimi 2024-cü ildə Azərbaycan, COP29 konfransına ev sahibliyi etdi. Bu da ölkənin yaşıl enerjiyə keçid prosesində beynəlxalq səviyyədə tanınmasına və qlobal enerji keçidinə töhfə verməsinə şərait yaratdı.

Ümumiyyətlə, Bakıda günəş və külək enerjisi kimi alternativ enerji mənbələrindən istifadəni artırmaq üçün layihələr həyata keçirilir.

Bakı şəhərində yaşıllıqların artırılması, tullantıların idarə olunması və ictimai nəqliyyatların ekoloji cəhətdən təmizləşdirilməsi kimi ekoloji təşəbbüslər həyata keçirilir.

Bütün bunlar turizmin inkişafı üçün önəmli addımlardır. Turistlər üçün cəlbedici məkanlar, gözəl infrastruktura malik yaşayış yerləri və şəhərin təmizliyi əhəmiyyətlidir. Şəhərdə belə layihələrin olması yaxın 10 ildə Bakıda turistlərin sayının artmasında böyük artım  olacağının göstəricisidir.

Eləcə də günümüz üçün aktual olan vasitədən, yəni süni intellektdən şəhərimizin yaxın 10 ildə Bakı şəhərini necə gördüyünü soruşduq və ortaya bu görüntü çıxdı:

Mənbə: baki-baku.az
Milli.Az