AZAL-ın təyyarə qəzasının təhqiqatına dair ilkin HESABAT - FOTO

Qazaxıstan Nəqliyyat Nazirliyi "Azərbaycan Hava Yolları" QSC-nin "Embraer-190" təyyarəsi ilə baş vermiş qəzanın təhqiqatına dair ilkin hesabat"ı dərc edib.

Bu hesabatda təqdim olunan məlumatlar ilkindir. 

İş başa çatdıqdan sonra nəticələrə dair Yekun Hesabat hazırlanacaq.

Hesabatda istintaq komissiyasının hava gəmisinin konstruksiyasının zədələnməsinin ətraflı yoxlanılmasını davam etdirdiyi bildirilir.

"Qorunub saxlanılan fraqmentlərin ilkin müayinəsi nəticəsində təyyarənin quyruq hissəsində, şaquli stabilizatorda və üfüqi stabilizatorda, sükan və istiqamət sükanlarında müxtəlif ölçülü və formalı çoxsaylı deşik və qeyri-deşik zədələr aşkalanıb. Oxşar zədələr hava gəmisinin sol mühərrikində və sol qanadında, həmçinin hava gəmisinin aqreqat və komponentlərində də aşkar edilib. Bəzi yerlərdə zədələr düzgün düzbucaqlı formaya malikdir", - hesabatda qeyd olunub. 

XXX

Qazaxıstan Nəqliyyat Nazirliyi "Azərbaycan Hava Yolları" QSC-nin "Embraer-190" təyyarəsi ilə aviasiya qəzasının təhqiqatına dair ilkin hesabat"ı dərc edib.

Milli.Az "Sputnik Qazaxıtsan"a istinadən xəbər verir.

Daha əvvəl bildirilmişdi ki, Təyyarə Qəzalarının Araşdırılması və Qarşısının Alınması Mərkəzi (CENIPA) təyyarənin qara qutusunun məlumatlarının təhlilini başa çatdırıb. Aktau yaxınlığında qəzaya uğrayan Azərbaycan Hava Yollarına (AZAL) məxsus təyyarənin registratorlarından uçuş məlumatları çıxarılıb. Bildirilmişdi ki, "Embraer 190"ın məlumatları qəzanı araşdıran Qazaxıstan rəsmilərinə göndərilib.

Qeyd edək ki, dekabrın 25-də Azərbaycan Hava Yollarına məxsus Bakı-Qroznı reysini həyata keçirən Embraer sərnişin təyyarəsi Qazaxıstanın Aktau şəhəri yaxınlığında qəzaya uğrayıb. Təyyarədə 5 ekipaj üzvü olmaqla 67 nəfər olub. Qəza nəticəsində Azərbaycan, Rusiya və Qazaxıstan vətəndaşları daxil olmaqla 38 nəfər həyatını itirib. 

Milli.Az