Ölkə

Aleksandr Kalyaninovun pilot olma səbəbi - Anası danışdı

1 Fevral 2025 21:18
Baxış: 1 377
VTB-də minimal faiz dərəcəsi ilə nağd kredit 9.9%-dən
#AVİAQƏZA

"Aleksandr atasına oxşamaq istəyirdi"

Milli.Az xəbər verir ki, bu sözləri Azərbaycanın Milli Qəhrəmanı Aleksandr Kalyaninovun anası Yelena Kalyaninova Bizim Media.az-a müsahibəsində deyib.

Milli Qəhrəmanın anası bildirib ki, Aleksandrın atası da pilot olub və o, elə atasına oxşamaq istəyirdi:

"Saşa 5 yaşından pilot olmağı arzulayırdı. Mərhum yoldaşım da təyyarəçi idi. Baş pilot işləyirdi. İşinin böyük peşəkarı idi. Dağlara, ən mürəkkəb yerlərə uçmağı bacaran, tələbələr yetişdirən bir adam idi. Saşa üçün atası ən gözəl nümunə sayılırdı, atası kimi bacarıqlı olmağa çalışırdı, çox oxuyurdu. Bilirdi ki, bu çox məsuliyyətli bir işdir. Ciddi yükü, məsuliyyəti var. Bilirdi ki, təyyarədəki insanlar üçün ciddi məsuliyyət daşıyır. O bunu çox yaxşı anlayırdı, elə son uçuşu da buna sübut oldu".

Qeyd edək ki, AZAL-ın Bakı-Qroznı reysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Təyyarədə olan 67 nəfərdən 38-i ölüb, 29-u sağ qalıb.
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.