"İnkişaf etmiş ölkələrin maliyyə dəstəyinə ehtiyacımız var"

COP29 çərçivəsində Trend BİA "COP for Hope" adlı xüsusi layihəni təqdim edir.

Bu layihə iqlim dəyişikliyi ilə mübarizədə vahid məqsəd uğrunda birləşmiş dünya liderlərinin, ölkə rəhbərlərinin və müxtəlif sahələrdə - siyasət, iqtisadiyyat, elm və ekologiyada öncül şəxslərin fikirlərini dinləmək üçün unikal imkan yaradır.

Budəfəki müsahibimiz Boliviya nümayəndə heyətinin rəhbəri Dieqo Paçeko Balanza

Müsahib Trend-ə deyib ki, əslində, bizim inkişaf etmiş ölkələrin maliyyə dəstəyinə ehtiyacımız var.

O, iqlim dəyişiklikləri ilə mübarizədə COP29 çərçivəsində inkişaf etmiş ölkələrin üzərlərinə götürdükləri öhdəlikləri yerinə yetirəcəklərimə ümidvar olduğunu bildirib:

"Əslində, bizim inkişaf etmiş ölkələrin maliyyə dəstəyinə ehtiyacımız var. Burada uzun illərdir ki, böyük və yerinə yetirilməmiş öhdəlikdən gedir. Ona görə də biz gözləyirik ki, COP29-da bütün inkişaf etməkdə olan ölkələr bu istiqamətdə əhəmiyyətli addımlarını atacaqlar", - boliviyalı müsahib vurğulayıb.

"İnkişaf etməkdə olan ölkələr inkişafın ehtiyaclarına cavab vermək üçün ildə 1,3 trilyon dollara sahib olmağa çalışırlar. Təhlükəsizlik əsasən həm də dövlət maliyyəsinə əsaslanmalıdır.

Pul indi dünyada müharibələrdə xərclənir və bu, inkişaf etmiş bir çox ölkələrin real siyasi istəyidir", - o qeyd edib.

Qeyd edək ki, noyabrın 11-də BMT-nin İqlim Dəyişikliyi üzrə Çərçivə Konvensiyasının (COP29) Tərəflər Konfransının 29-cu sessiyasının açılışı olub. Dünən isə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Liderlər Sammitinin açılış mərasimi keçirilib.

Noyabrın 22-dək Bakı Stadionunda keçiriləcək COP29 Azərbaycanın bu günədək təşkil etdiyi ən nəhəng tədbirdir və regionda ilk dəfə Azərbaycanda baş tutur.

COP29 çərçivəsində ən yüksək səviyyəli tədbir - Dünya Liderlərinin İqlim Fəaliyyəti Sammiti noyabrın 12-13-də təşkil olunacaq.

COP29-dan əsas gözlənti iqlim maliyyəsi ilə bağlı ədalətli və ambisiyalı Yeni Kollektiv Kəmiyyət Hədəfinin (NCQG) razılaşdırılmasından ibarətdir.

COP29 Sədrliyi tərəfindən iqlim fəaliyyəti ilə dayanıqlı inkişaf məqsədləri arasında əlaqəni ehtiva edən, yaşıl enerji dəhlizləri, yaşıl enerji saxlancları, iqlim dayanıqlılığı üçün harmoniya, təmiz hidrogen, orqanik tullantılarda metanın azaldılması, yaşıl rəqəmsal fəaliyyət və digər mövzuları əhatə edən 14 təşəbbüs irəli sürülüb.

İqlim maliyyəsinin yaradılması fəaliyyət üçün şərait yaradan əsas prioritet olmaqla yanaşı, hamını bir araya gətirməklə 1,5°C öhdəliyinin yerinə yetirilməsinə töhfə verəcək.

Milli.Az