Ölkə

COP29 gündəliyi təsdiq edildi

11 Noyabr 2024 21:25
Baxış: 396
VTB-də minimal faiz dərəcəsi ilə nağd kredit 9.9%-dən

BMT-nin İqlim Dəyişikliyi üzrə Çərçivə Konvensiyasının (COP29) Tərəflər Konfransının gündəliyi təsdiq edilib.

Milli.Az Trend-ə istinadən xəbər verir ki, bu barədə qərarı COP29-un prezidenti, Azərbaycanın ekologiya və təbii sərvətlər naziri Muxtar Babayev konfransın açılışından sonra keçirilən plenar iclasda açıqlayıb.

Gündəliyin hər bir məsələsi üzrə ayrıca səsvermə keçirilib.

Əvvəlcə M.Babayev gündəliyi təqdim etdi.

"Burada gedən bütün müzakirələr barədə ictimaiyyətə ətraflı məlumat verəcəyik. Əldə olunan bütün razılaşmalar gündəlik mətbuatda işıqlandırılacaq. Gündəliyə 15-ci məsələnin müzakirəsi daxildir", - deyə o bildirib.

Daha sonra UNFCCC İcraiyyə Komitəsinə və Kioto Protokoluna üzv olmaq üçün namizədlər irəli sürülüb. M.Babayev Kioto Protokolu və Paris İqlim Sazişinin İcraiyyə Komitəsinə seçkilərlə bağlı məsləhətləşmələrin noyabrın 16-dək başa çatdırılmasını təklif edib.

Birinci gün, həmçinin Tərəflərin Konfransındakı nümayəndələr, UNFCCC üzvü olmayan, lakin Konvensiyanın işində iştirak etməyə dəvət olunmuş qeyri-hökumət təşkilatları haqqında qərarlar qəbul edilib.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.