Ölkə

Tanınmış aparıcı rəhbər təyin olundu

2 Oktyabr 2024 11:21

Baxış: 2 356

VTB-də minimal faiz dərəcəsi ilə nağd kredit 9.9%-dən

#APARICI #TƏYİNAT

Tanınmış xəbər aparıcısı və telejurnalist Ariz Tarverdiyev "AzerGold" QSC-nin İctimaiyyətlə əlaqələr və marketinq departamentinə yeni rəhbər təyin olunub.

Milli.Az report-a istinadən xəbər verir ki, bu barədə dövlət şirkətinin İdarə Heyətinin sədri Zakir İbrahimov Əmr imzalayıb.

A.Tarverdiyev 2019-cu ildən "AzerGold"da Mətbuat katibi, Mətbuatla iş sektorunun müdiri, şöbə müdirinin müavini vəzifələrində çalışıb.

Sözügedən departament QSC-nin ictimaiyyət və mətbuatla əlaqələr, yerli pərakəndə qiymətli metallar bazarında qızıl və gümüş sikkə, eyni zamanda külçələrin satışı və mübadiləsini, sosial layihələrin icrasını həyata keçirir.

A. Tarverdiyev Bakı Dövlət Universitetinin Şərqşünaslıq fakültəsində bakalavr və magistratura pillələri üzrə ali təhsil alıb. "TRT Haber" və "Reuters" media şirkətində təcrübə keçib, 2011-ci ildən "ATV international" televiziya kanalında tərcüməçi və müxbir vəzifələrində çalışıb, "Azad Azərbaycan" Müstəqil Teleradio Kompaniyasında müxbir, redaktor, aparıcı, layihə rəhbəri vəzifələrini icra edib.

Milli.Az
Xəbərlərimizi WhatsApp kanalımızdan da oxuyun