Ölkə

Ağdamın yenidən qurulan Eyvazxanbəyli kəndi belə olacaq - FOTOlar

20 Sentyabr 2024 22:29

Baxış: 4 139

VTB-də minimal faiz dərəcəsi ilə nağd kredit 9.9%-dən

#AĞDAM

Dövlət Şəhərsalma və Arxitektura Komitəsinin sədri Anar Quliyev rəsmi sosial şəbəkə hesablarında Ağdam rayonunda yenidən qurulan Eyvazxanbəyli kəndinin layihə görüntülərini paylaşıb.

Milli.Az Dövlət Şəhərsalma və Arxitektura Komitəsinə istinadən xəbər verir ki, sentyabrın 19-da Prezident İlham Əliyev tərəfindən təməli qoyulan kəndin Baş Plan layihəsi yerli mütəxəssislər tərəfindən hazırlanıb.

Sənədə əsasən, 300 hektara yaxın sahədə salınacaq Eyvazxanbəyli ərazi vahidinə görə bir-birinə yaxın olan Şişpapaqlar, Kosalar və Eyvazxanbəyli kəndləri ilə birlikdə layihələndirilib. Kənddə 4038 nəfərin məskunlaşdırılması planlaşdırılıb. Bu məqsədlə 1091 fərdi evin tikilməsi nəzərdə tutulub.

Burada məskunlaşacaq əhalinin sayı nəzərə alınaraq, birinci mərhələdə tikiləcək evlər üçün 88,3 hektar torpaq sahəsi ayrılıb. Bu mərhələdə salınacaq yaşayış məhəllələrinə 1563 nəfərin köçürülməsi məqsədilə iki, üç, dörd və beşotaqlı 427 fərdi evin inşası planlaşdırılır.

Kənddə həmçinin məktəb binası, uşaq bağçası, inzibati bina, Bayraq meydanı, tibb məntəqəsi, digər xidməti obyektlərin tikintisi və istirahət parkının salınması planlaşdırılıb. Əhalinin məşğulluğunun təmin edilməsi məqsədilə digər zəruri tədbirlər də görüləcək.

Milli.Az
Xəbərlərimizi WhatsApp kanalımızdan da oxuyun