Dünya

Alimlərdən XƏBƏRDARLIQ: Virusun mənbəyi fərqlidir

12 May 2026 16:42

Baxış: 1 424

VTB-də minimal faiz dərəcəsi ilə nağd kredit 9.9%-dən

#DÜNYADA

Mütəxəssislər hantavirusun səbəb olduğu ağır kardiopulmonar xəstəliyin siçovullar vasitəsilə yayılmadığını açıqlayıblar.

Milli.Az xəbər verir ki, araşdırmalara görə, Amerika qitəsində rast gəlinən hantavirus yalnız müəyyən növ vəhşi gəmiricilər, xüsusilə uzunquyruq siçanlar (Oligoryzomys longicaudatus) tərəfindən daşınır. Adi siçovulların isə bu virusun yayılmasında rolu yoxdur.

Alimlər bildirirlər ki, siçovullar Seul virusunu daşıya bilər. Lakin bu virus böyrəkləri zədələyən və daha yüngül keçən hemorragik qızdırmaya səbəb olur. Son günlər "MV Hondius" kruiz gəmisində üç nəfərin ölümünə səbəb olan ağır ağciyər çatışmazlığı ilə əlaqəli virus isə tamamilə fərqlidir.

Mütəxəssislərin fikrincə, xəstəliyə yoluxan şəxslər virusa gəmiyə minməzdən əvvəl Pataqoniya bölgəsində yoluxmuş ola bilərlər.

"World Health Organization" gəmidə uzunquyruq siçanların və ya onların ifrazatlarının izinə rast gəlinmədiyini bildirib.

İspaniya Səhiyyə Nazirliyi də uzunquyruq siçanların nə açıq dənizdə üzə bildiyini, nə də Avropada məskunlaşmasının mümkün olduğunu açıqlayıb.

Mütəxəssislər vurğulayırlar ki, bu gəmirici növü əsasən sıx bitki örtüyü olan vəhşi ərazilərdə yaşayır və limanlarla əlaqəli deyil.

Buna görə də alimlər ölümcül hantavirusun Avropaya siçovullar vasitəsilə yayılması ehtimalını son dərəcə aşağı qiymətləndirirlər.

Mina Mikayılova
Milli.Az