İdman

Arda Turan yeni mövsümdə bu komandanı ÇALIŞDIRACAQ

12 May 2026 16:45

Baxış: 7 139

VTB-də minimal faiz dərəcəsi ilə nağd kredit 9.9%-dən

#UKRAİNE #ARDA TURAN #FUTBOL

Türkiyəli məşqçi Arda Turan Ukraynada qazandığı çempionluqdan sonra gələcəyi ilə bağlı açıqlaması ilə diqqət çəkib.

Milli.Az Türkiyə mətbuatına istinadən xəbər verir ki, "Şaxtyor" "Poltava" üzərində 4:0 hesablı qələbə qazanaraq Ukrayna Premyer Liqasının çempionluğunu mövsümün bitməsinə üç tur qalmış rəsmiləşdirib. Qarşılaşmadan sonra Arda Turan və komandası tarixi uğuru böyük coşqu ilə qeyd ediblər.

Türkiyəli mütəxəssis bununla da Avropada çempionluq yaşayan ilk türk baş məşqçi kimi tarixə düşüb. Onun uğuru Ukrayna mediasında da geniş işıqlandırılıb.

Çempionluqdan sonra keçirilən mətbuat konfransında Arda Turana gələcək planları ilə bağlı sual ünvanlanıb. Jurnalistlərin "Gələn mövsüm də Şaxtyorda qalacaqsınız?" sualına təcrübəli məşqçi qısa şəkildə "Əlbəttə" cavabını verib.

Bu açıqlama Arda Turanın növbəti mövsümdə də Ukrayna klubundakı fəaliyyətini davam etdirəcəyini göstərib.

Hüseyn
Milli.Az