Ölkə

Paytaxtın mərkəzində olan işıqfor niyə 2 ildir işləmir? - RƏSMİ CAVAB - VİDEO

18 Avqust 2024 14:50

Baxış: 812

VTB-də minimal faiz dərəcəsi ilə nağd kredit 9.9%-dən

#YOL #SÜRÜCÜ #AVTOMOBİL #İŞIQFOR

Paytaxtın mərkəzi küçələrindən birində işıqfor var, lakin sakinlər deyirlər ki, bu işıqfor artıq iki ilə yaxındır ki, işləmir.

Milli.Az Xəzər TV-yə istinadən bildirir ki, bu yolda hər gün eyni mənzərə müşahidə olunur.

Texniki nasazlıq həm yolu keçən piyadalarda, həm də avtomobilini qəza vəziyyətindən qorumaq istəyən sürücülərdə narazılıq yaradır.

Söhbət paytaxtın Yasamal rayonu Cəfər Cabbarlı küçəsi ilə Əlibəy Hüseynzadə küçəsinin kəsişməsindən gedir. Hər gün yüzlərlə vətəndaşın istifadə etdiyi bu yolda işıqfor mövcuddur, lakin işıqları yanmır.

Çəkiliş zamanı məlum olub ki, bu problem yalnız bir deyil, iki küçənin kəsişməsində yaşanır. Zivərbəy Əhmədbəyov küçəsində də eyni vəziyyət müşahidə edilir. İşıqfor quraşdırılıb, ancaq hələ istifadəyə verilməyib.

Məsələ ilə bağlı Yerüstü Nəqliyyat Agentliyindən bildirilib ki, problemin həlli üçün yaxın vaxtlarda işlər aparılacaq.

Qeyd olunub ki, paytaxtın küçə və prospektlərində piyadaların və nəqliyyat vasitələrinin hərəkət təhlükəsizliyini artırmaq məqsədilə kompleks tədbirlər həyata keçirilir. Bu çərçivədə müxtəlif yol sahələrində nəqliyyat axını təhlil edilərək zəruri yerlərdə işıqforların quraşdırılması təmin edilir. Sözügedən ərazidə də bu işlər həyata keçirilib və nizamlayıcının işə salınması üçün texniki tamamlanma işləri aparılır.

Ətraflı videoda:

Milli.Az
Xəbərlərimizi WhatsApp kanalımızdan da oxuyun