Ölkə

Qurban Qurbanova bahalı nömrə hədiyyə edilib? - Rəsmi açıqlama - YENİLƏNİB - FOTO

15 İyul 2024 20:23

Baxış: 10 517

VTB-də minimal faiz dərəcəsi ilə nağd kredit 9.9%-dən

#CƏMİYYƏT #AZƏRBAYCAN FUTBOLU #FUTBOL #AVTOMOBİL

"Qarabağ"ın baş məşqçisi Qurban Qurbanova Baş Dövlət Yol Polisi İdarəsinin rəisi polis general-mayoru Ramiz Zeynalov tərəfindən bahalı avtomobil nömrəsi hədiyyə edildiyinə dair məlumatlar yayılıb. Məlumatda generalın Ağdam klubunun çalışdırıcısına "77-QQ-777" dövlət nömrə nişanını bağışladığı vurğulanıb.

Milli.Az bildirir ki, məsələ ilə bağlı "Qarabağ"ın mətbuat xidmətinin rəhbəri Anar Hacıyev "Qafqazinfo"ya açıqlama verib.

Klub rəsmisi yayılan məlumatların həqiqətəuyğun olmadığını bildirib:

"Bu xəbər nəyə əsasən ortaya atılıb, bizə məlum deyil. Xəbər reallığı əks etdirmir. Yayılan fotodakı nə avtomobilin, nə də həmin nömrənin Qurban Qurbanova aidiyyəti var".

--------

14:03

Xəbər verdiyimiz kimi, Daxili İşlər Nazirliyinin (DİN) Baş Dövlət Yol Polisi İdarəsinin rəisi, polis general-mayoru Ramiz Zeynalov "Qarabağ"ın baş məşqçisi Qurban Qurbanova jest edib.

Milli.Az axar.az-a istinadən bildirir ki, məşqçiyə bağışlanan 77-QQ-777 seriyalı dövlət nömrə nişanının qiymətini Yenisabah.az araşdırıb.

Bildirilib ki, sözügedən nömrənin dövlət rüsumu 4-5 min manatdır. Amma dövlət nömrə nişanının "qara bazar"dakı qiyməti isə 100 min manata yaxındır.

Ekspert Elməddin Muradlı qeyd edib ki, bəzən insanlar "qara bazar"dan dövlət nömrə nişanı almaq istəyir. Bu zaman onlar daha çox internetdən tapdıqları şəxslərə müraciət edirlər:

"Şəxs nömrəni satan adama nə qədər istəsə, pul verə bilər. Bu məsələyə yol polisi qarışmır".

Milli.Az
Xəbərlərimizi WhatsApp kanalımızdan da oxuyun