Ölkə

Çimərliklərdə təhlükə: Qadağan olunan yerlərdə... - VİDEO

10 İyun 2024 10:38
Baxış: 472
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Çimərlik mövsümü hələ açıq elan olunmayıb, amma insanlar dənizə axışırlar.

Milli.Az Xəzər TV-yə istinadən bildirir ki, son günlər müşahidə edilən isti hava çimərliklərə üz tutanların sayının artmasına səbəb olub.

Havalar isinsə də, suyun hələ də soyuq olduğunu deyənlər də var.

Ötən günlərdə keçirilən monitorinqlər nəticəsində bəzi çimərliklərdə bakterioloji çirklənmə olduğu aşkarlanıb. Amma hələ də istifadənin müvəqqəti olaraq tövsiyə olunmadığı bu ərazilərə yollananlar var.

Qeyd edək ki, Bakı şəhərinin Buzovna, Zuğulba, Mərdəkan, Şüvəlan, Novxanı, Görədil, Nardaran, Bilgəh və Pirşağı çimərliklərində dəniz suyunun fiziki-kimyəvi, bakterioloji göstəriciləri norma səviyyəsindədir.

Səbail rayonunun Şıx, Qaradağ rayonunun Sahil, Suraxanı rayonunun Hövsan, Xəzər rayonunun Türkan, Sumqayıt şəhəri, şimal bölgəsinin Yalama, Nabran, İstisu, Seyidli kəndi, cənub bölgəsinin Lənkəran və Astara çimərliklərindən istifadənin isə müvəqqəti olaraq tövsiyə edilmədiyi barədə qərar qəbul olunub.

Ətraflı süjetdə:

Milli.Az

Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.